JOHAN 17:15 - PATHIAN LEKHABU THIANGTHO (BSI)

¹⁵ Khawvel ah kipat amau ladok dingin ka don pua’n, himaleh, gitlona lak ah kipat vêng bit dingin ka don zaw ahi.

JOHAN 17:15 ပူးပေါင်းရင်းမြစ်များ

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

1 KHANGTHU 4:10

Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

SAM 121:7

Lalpa‘n thil phalo lak ah kipat in hun vêng intin; la hinna voptup in a.

SAM 30:9

“Ka thi chu nang â ding ah bang phachuam ah, gawtmun kawkhûk thim sung ah lut leng, nang â ding ah bang thil phachuam um ding a hem? Leivui chun nang hun chawihoi thei ah, la ginumna chu puangjak thei ding a hia hem?

THUGENTU 9:10

La khut in sep ding a mu taphot chu, bang hilehle theitawp sua in sêm in; la chiana ding Sheol mun ah chun nasep ding, ngaitua buai ding, het ding a hem leh pilna le a um ta pua ngal a.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

MATTHAI 5:37

La thugen chu ahileh ahi himai hen la, ahiloleh ahilo hiziang hen; zia khêlvâl chu gitlo ah kipan ahi sek hi.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

LUKA 11:4

Ka chung ua thil hikhialte ka ngaidam sek gual un, nang inle ka thil hikhialteu ei ngaidam in. Chetna hun ah ei puilût kin’ ti in,” a tia.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

2 THESSALONITE 3:3

Himaleh, Lalpa chu a ginum ah, ama chun hun hi’det in, migilo lak in hun vêng ding ahi.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.