JOHAN 17:11 - PATHIAN LEKHABU THIANGTHO (BSI)

¹¹ Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 17:11 ပူးပေါင်းရင်းမြစ်များ

SAM 79:9

Aw ka hukhingpau Pathian, la min lopina dingin ei panpi in; la min ziakin ei hukdok inla, ka gitlonateu ngaidam in.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 27:3

Keima Lalpa hi a enkolpa ka hi’n, chawlnga lo in tui ka buak hi. Kuama’n a hi’siat lona ding un, sun leh jan in ka vêng hi.

ISAI 64:2

mei in munphi thing a kat kuang puat puat ah, tui a chiaksak bul bul gual ah, la ma-âng ah mualte a kithin theina ding un, vante botthêk in hung kum suk mai lechin aw!

JEREMIAH 14:21

La min ziakin ei pâmpai kin la, la lopina lalchutpha hi sumualpho kin; ka kiang ua la thuthung kha hezing inla, botsia kin.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

EZEKIEL 20:22

Himaleh, zia gual chun ka la bawl nuam ta puai, amau ka la puidaw a la mu, nam zosiate mit mu ah, ka min siatlona dingin ka bawl zaw tai.

EZEKIEL 20:44

Aw Israel mipite haw, la thilbawl uh phalote leh la dukdak lonau dungzui hilo in, ka min ziak ah ka hun gawt phat leh, Keima Lalpa ka hi ti hun he ta’n lau, Lalpa Pathian in a tii.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

MATTHAI 10:16

Ngai un, ngei hon lak ah belam um gualin ka hun sawl la hiu hi; tichun, gûl gual ah pil, vakhu gual ah poikhoi lo in um un.

MATTHAI 5:48

Tichun, la Pau van ah um a phat bukim gual in nang uh le pha bukim in um un.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:6

Khawvel ah kipat nangma’n lei piak mite kiang in la min ka hi’lang tai. Amau haw chu nang â a hiu in, nang in amau haw chu kei lei piak ahi’n; amau in la thu a zawm tau hi.

JOHAN 7:33

Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

ROMTE 9:17

Pathian lekha thu chun Pharaoh kiang ah chun, “Nangma ah ka thilhitheina a hung kilat ah, lei chung zosia ka min a hung kitâklat theina dingin, zia thiltup ziak tak ah chun ka hun tundin la hi,” a la ti kit a.

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

EPHESA 4:4

Ko la hi’nau, kinepna pakhat ah ko la hi gual un, taksa pakhat leh Thagau pakhat,

PHILIPPI 2:9

Ziaziakchun, Pathian in ama chu, sâng tak in a chawisâng ah, min zosia chung ah min chungnung pen chu a pia tai.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

1 JOHAN 3:12

Kaina gual ah khan um puai tiu, ama chu gilopa ah kipan ahi ziakin, a suapipa a that tai. Bang ziak ah a tha a hem? Ama thilhi’te chu a pha pua’n, a suapipa thilhi’te kha a dik ziakin ahi.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 19:12

A mitte chu meikuang gual a hiu ah, a luchang chun lallukhuk tam tak a khuk ah, kuama het lo, ama bep in a het min kizikna lallukhuk ahi.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.