JOHAN 16:33 - PATHIAN LEKHABU THIANGTHO (BSI)

³³ Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 16:33 ပူးပေါင်းရင်းမြစ်များ

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

MATTHAI 9:2

Mi lawi khat in, zeng pakhat a lupna phêk pum in lâng in a kiang lam in a hun jawn ua; Jesu’n a ginnau a mu phât in zeng kiang ah chun, “Ka chapa, thamuang tak in um in; la gitlona ngaidam ahi tai,” a tia.

LUKA 19:38

“Lalpa min ah Lal hung chu a hampha na e! Van ah chamna thu leng hen la, vansang pen ah khin lopina um ta hen!” a tiu a.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

JOHAN 14:1

La lungthim uh lungkham ki’hen, Pathian la ging ui, keima le ei ging tau in.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 16:11

vaihawmna thu’n thiamlo chang in au, zia khawvel vaihawmpa hi a dik lo ziak in.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

NASEPTE 23:11

Zia jan ah chun, Lalpa a kiang in a hung ding ah, “Hangsan tak in um in! Jerusalem khua ka thu la taklat gual hin Rom khua’n le taklang ding la hi,” a tia.

NASEPTE 27:22

ahi’n, tu’hin thamuang tak ah um dingin ka tîl la hiu; la lak un kuama’n la hinnau mansua pua’n lau, Long hi ahileh vang mangthai in a.

NASEPTE 27:25

Ziaziakchun, pute haw, thamuang tak in um un; Pathian chu ka ging ah, ka kiang ah a gen chu guitung ding ahi.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

2 KORINTH 1:3

I Lalpau Jesu Khrista Pa, hepina Pa leh thamuanna zosia Pathian chu pâk in um ta hen.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

2 KORINTH 2:14

Himaleh, gâlzawna ei puipa Khrista, keimau ziak ah mun tin ah ama hetna gimtui hiatsakpa Pathian kiang in kipak thu um ta hen.

2 KORINTH 4:7

Himaleh, thilhitheina chungnung chu keimau â hilo ah, Pathian â ahi ti a kilat theina dingin zia go chu leibêl ah ka koi tau hi.

2 KORINTH 6:4

Pathian nasemte gual in bangkim ah mi mit tung in ka um zawu a, nasa tak ah kukãlna, haksatna, tâksapna leh lunggimna ah te,

2 KORINTH 7:4

Ka hun kisuanpi ma ma hi; thamuanna’n ka dim ah, ka haksatna zosia inle kipakna’n ka dim ahi.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

KOLOSSA 1:20

chuleh, ama ziak ah Pathian in bangkim tawh kichamna a nei chu a lung lam tak ahi; lei chung ah um hi’n, van ah um hitaleh, a kros thisan ziakin kichamna a hun siam ta ahi.

1 THESSALONITE 3:4

La kiang ua ka um lai ua khan, soisakna thuak ding him ka hi dan uh ka hun hil masau kha, zia gual ah chu um ding him I hiu ti la he tau hi.

1 THESSALONITE 3:7

Ziaziak hin, suapite haw, ka lungjinnau leh thokgimnau zosia ah hin, nangmau ah ginumna jal in thamuan in ka um tau hi.

2 THESSALONITE 3:16

Chuleh, chamna Lalpa ngei chun bangtik lai inle, bang lam lam inle chamna hun pia ta hen. Lalpa chun la leng un hun umpi chiat ta hen.

2 TIMOTHI 3:12

Ahi, kuale Khrista Jesu ah Pathian ngaisak ah um gaw tapo chu, sukgenthei hiding a hiu.

HEBRAITE 11:25

sawt lo sung bep gitlo nopchên limpi sâng in, Pathian mite tawh sukgentheina thok chu a têl zaw tai.

HEBRAITE 7:2

Ama kiang in Abraham in a nei zosia lak ah sawm ah khat a pia’n; a min umzia chu a masa pen in, “Dikna lal” ahi’n; a ban in, “Salem lal,” ahi, zia chu, “Chamna lal,” ti’na ahi.

1 PETER 5:9

La suapiu khawvel ah umte zosia chung ah zia gual thoknate chu a tung hi ti hia’n, gingdet tak ah um in, ama chu do un.

1 JOHAN 2:13

Pate haw, ama a lim ah kipat um zing chu la het ziak un, la kiang un ka hun zik ahi. Tangvalte haw, migilo chu la zaw tâk ziak un, la kiang un ka hun zik ahi.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

VAIHAWMTE 3:2

(Israel khangthakte’n a la hi’nat khak lo teu in kido dan a hun het ua, gâl bawldante a hun hil ua a het chian theina ding un.)