JOHAN 16:28 - PATHIAN LEKHABU THIANGTHO (BSI)

²⁸ Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 16:28 ပူးပေါင်းရင်းမြစ်များ

LUKA 24:51

amau haw a maljawl lai tak in, amau tawh khen in a um ta’n, van lam ah lâk to in a um tai.

LUKA 9:51

Lâk to ah a umna ding hun a nai phatin, Jerusalem lam bep ngaitua in, zia lam chu a nga zing ta’n.

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 14:28

La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

JOHAN 16:16

Chomkhat sung nang un ei mu ta pua’n lau; chuleh, chomkhat zaw leh ei mu kit in lau, a tia.

JOHAN 16:30

Nang in bangma zosia la hia’n, bangma dot la ngai ta puai, ti ka he tau hi; ziaziak hin Pathian kiang ah kipat hung pawt la hi ti ka gingcha tau hi,” a tiu a.

JOHAN 16:5

Tu’hin ei sawlpa kiang ah chia ding ka hi tai; nanghaw lak ah khat cha’n le, “Khoi ah chia ding la hem?” ti’n lei dong puau hi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 17:13

Tu’hin, nangma kiang ah hung ding ka hi tai; zia thute hi khawvel ah hin ka gen tai; amau ah ka kipakna a bukim theina dingin.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 8:14

Jesu’n a dawnhu, a kiang un, “Keima leh keima kigen hiziang lengle, ka thugen hi a dik hi; khoi ah kipat hung ka hi ka kihia hen, khoi ah chia ding ka hile ka kihiai; nang un vang khoi ah kipat hung ka hi la gen thei puau in, ka chiana dingle la gen thei diak puau hi.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.