JOHAN 16:17 - PATHIAN LEKHABU THIANGTHO (BSI)

¹⁷ Ziaphatchun, a nungzuite lak ah khenkhat chu a kiho un, chomkhat sung nang un ei mu ta pua’n lau; chuleh, chomkhat zaw leh ei mu kit in lau; Pa kiang ah ka chia ding ziakin, a ti hi bangati’na ahi diam?, tiu a.

JOHAN 16:17 ပူးပေါင်းရင်းမြစ်များ

MARKA 9:10

Zia thu chu a vop zing un, thina kipat thawkit, a ti chu bang a ti’na ahi diam, ti chu amau leh amau a kidong sek un.

MARKA 9:32

A thugen chu a umzia a hepuau ah; himaleh, ama a dong ngam diak puau hi.

LUKA 18:34

Amau ah zia thute chu a kisêl nâk lai ziakin, a ngaina a hepuau ah; a gente chu a hethiam thei him him puau hi.

LUKA 9:45

Himaleh, a thugen chu a ngaina a hepuau ah, a het theilona ding ua kisêl ahi’n; himaleh, zia thu chu ama dot ding chu a lau ngal un.

JOHAN 12:16

Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 14:22

Juda (Iskariot lozawk) chun a kiang in, Lalpa, kei uh kiang ah la kimusak ah, khawvel kiang ah la kimusak lo ding chu bangtidan a hem? a tia.

JOHAN 14:5

Thoma chun a kiang in, “Lalpa, khoi ah chia ding la hi ka hepuau ah, bangti’n a lampi hethei ding ka hiu em?” a tia.

JOHAN 16:1

La kisui lona ding un zia thute hi la kiang un ka hun gen ahi.

JOHAN 16:16

Chomkhat sung nang un ei mu ta pua’n lau; chuleh, chomkhat zaw leh ei mu kit in lau, a tia.

JOHAN 16:18

Ziaziakchun, zia, chomkhat zaw leh, a ti hi bangati’na a diam? A thugen hi a ngaina I hepuau hi, a tiu a.

JOHAN 16:19

Jesu’n a thugen chu dot a nuam ui ti a he, a kiang un, chomkhat zaw leh ei mu ta pua’n lau; chuleh, chomkhat zaw leh ei mu kit in lau, ka ti thu ah hin nangmau kidong tua la hiu maw?

JOHAN 16:5

Tu’hin ei sawlpa kiang ah chia ding ka hi tai; nanghaw lak ah khat cha’n le, “Khoi ah chia ding la hem?” ti’n lei dong puau hi.