JOHAN 15:8 - PATHIAN LEKHABU THIANGTHO (BSI)

⁸ Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

JOHAN 15:8 ပူးပေါင်းရင်းမြစ်များ

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

HAGGAI 1:8

Tâng ah chia to in thing hun puau in la In chu sau in; tichun, zia chun nuam sa’ng ka tin, chawihoi in hung um ta’ng ka, Lalpa‘n a tii.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

MATTHAI 5:44

Kei vang in ka hil la hiu, La mêlmateu hepiu inla, a sugentheite chu pauchap piak un;

MATTHAI 9:8

Mipite chun zia thil chu a mu phât un, lamdang a sau ah, mihingte kiang ah zia gual thuneina pepa Pathian chu a chawihoi tau hi.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

JOHAN 13:35

La kihepiu chun mi zosia’n ka nungzuite la hiu ti hun hethei ta’n au,” a tia.

JOHAN 15:5

Keima hi grep guipi chu ka hi’n, nang uh a bâkte chu la hiu. Kuale keima ah um ah, keile ama ah ka umna chu, zia mi ngei chun ga tampi a hun sua sek hi; keima lo in bangma la hi’thei puau hi.

JOHAN 8:31

Jesu’n ama gingcha Judate kiang in, “Ka thu la um zing ua leh, ka nungzui dik tak hi’n lau;

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

1 KORINTH 6:20

Man piak ah chawksa la hitau hi; ziaziakchun, la taksau ah chun Pathian chawihoi tau in.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

TITA 2:10

khutthem neilo ah, ginum tak ah nasep pha latsak ding leh, ei Hukhingpa Pathian thugin chu bangkim ah a choisa’n theina ding un hil in.

TITA 2:5

kisumthei ding leh kikoi thiangtho ding leh, Insung enkol tup ding leh, pawsalte nuai ah kitulut ding leh, amau ah Pathian thu chu gensiat ah a um lona ding ah a hil theina ding un.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.