JOHAN 15:7 - PATHIAN LEKHABU THIANGTHO (BSI)

⁷ Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

JOHAN 15:7 ပူးပေါင်းရင်းမြစ်များ

1 LENGTE 3:5

Gibeon mun ah chun, Solomon kiang in jan ah a mang in Lalpa a hung kilâk ah; Pathian in a kiang in, “Bang a hem ka hun piak ding, don in,” a tia.

JOB LEKHABU 22:26

zia phat chuleh, Hat Chungnung Pathian ah chun, kipak ta’n la tin, Pathian lam hun nga ta’n la.

JOB LEKHABU 23:12

A thupiakte chu ka pêtsan ngai pua’n, a kamsuakte chu ka âng sung in ka vopdet zing hi.

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

SAM 37:4

Lalpa ah chun kipak inla, tichun, la lungthim duthusamte chu hun pia’n a.

THUPILTE 10:24

Mi nunsiate chun a lau pen uh a tuak sek un; ahi’n, midikte chu a duthusam pen uh piak in a um sek ui.

THUPILTE 4:4

ei ziltil in, ka kiang ah: “La lunggil in ka thute hi vop det zing inla; ka thupiakte hi zawm inla, damna’n nei in,” ei ti’n.

ISAI 58:8

Ziaphat chuleh, la vakna jingkal phalvak gual in, hung suak intin, la natna kin tak ah sukdam hung hita’n la; la dik zia chu la ma-âng ah chia pek intin, Lalpa lopina chu la nung lam ah a hun vêngtu hita’n a.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

MATTHAI 7:7

Don un, tichun piak in um in lau; hawl un, mun lau; kiu un, tichun, hon piak in um in lau,

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 16:23

Zia ni phat chuleh nang un bangma ei dong kit ta pua’n lau. Titakzet in ka hil la hiu, ka min ah Pa kiang ah la dot uh chun hun pia’n a.

JOHAN 8:31

Jesu’n ama gingcha Judate kiang in, “Ka thu la um zing ua leh, ka nungzui dik tak hi’n lau;

JOHAN 8:37

Nang haw hi Abraham suante la hiu ka henai; himaleh, ka thu hin nangmau ah mun a neilo ziakin, nang un tha lei guat uh ahi.

GALATIA 4:2

A pa hun guat chu a hung tun masang sia, a donte leh enkolte nuai ah chun a um zaw ahi.

GALATIA 5:16

Chutichun, zia hi ka ti ahi, Thagau ah kalsuan un; tichun, taksa nopna lam chu zui lo mai inlau.

DAN LEKHABU 6:6

Zia thute, tu’ni ka hun thupiakte hi la lungthim un vop zing un.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

1 JOHAN 2:14

Naute haw, Pa chu la het tâk ziak un, la kiang un ka hun zik ahi. Pate haw, ama a lim ah kipat um zing chu, la het ziak un, la kiang un ka hun zik ahi. Tangvalte haw, nanghaw chu la hat un, Pathian thu nangmau ah a um zing ah, migilo chu la zaw tâk ziak un, la kiang un ka hun zik ahi.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

1 JOHAN 3:22

chuleh, a thupiakte zawm ah a kipakna lam I bawl sek ziak un, I dot taphot I mu sek uh ahi.

1 JOHAN 5:14

Chuleh, a ma-âng ah I hânsannau chu zia hi ahi, ama doi gual I dot taphot uh ama’n ei ngaithâk piak hi ti hi.