JOHAN 15:21 - PATHIAN LEKHABU THIANGTHO (BSI)

²¹ Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

JOHAN 15:21 ပူးပေါင်းရင်းမြစ်များ

SAM 69:7

Nangma ziakin gensiat ka hi’n, zachatna’n ka mai a khû zo tai.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

MATTHAI 10:18

ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

MATTHAI 10:39

Kua’nle ama hinna ding bep a ngaitua chun chân intin; kuale keima ziak ah a hinna chân chun mu’n a.

MATTHAI 24:9

Nang uh chu gawt dingin hun matsak intiu in, tha le hun that in au; ka min ziakin nam zosia huat in um in lau.

MATTHAI 5:11

Keima ziak ah min a hun hosiat ua, a hun sukgenthei ua, juau ah thu phalo zosia a hun hêk phat ua leh mi hampha la hiu.

MARKA 13:13

Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au.

LUKA 21:12

Himaleh, zia zosia chu a hung guitun suak masang in, hun man intiu in, hun sawi intiu in, kikhopna In ah hun pedok intiu in, suangkul inle hun khum in au; ka min ziakin lengte leh vaihawmte ma ah pui in um ding la hiu.

LUKA 21:17

Keima min ziakin mi zosia muda hung hi’n lau.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

JOHAN 8:54

Jesu’n, “Keima kilopisak hileng, ka kilopisakna chu bangma hipua’n a. Nang hawn, ‘Ka Pathian uh,’ la tiu, ka Pa chu ei chawisangpa ahi;

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

NASEPTE 17:23

Khawpi sung ah ka vâk vêl vêl in, la ho leh biak danteu hi ka mu ta’n, mâichâm pakhat ah chun lekha kizik, “Hetlo Pathian Kiang Ah,” kiti ka mu hen. Zia hetlo ah la biak uh chanchin chu ahi ka hun hiatsak nop.

NASEPTE 26:9

Keima’nle Nazareth Jesu min kãl lam thil tampi bawl le ka la gua hen.

NASEPTE 3:17

Tu’hin, suapite haw, nangmau leh la hotuteu in la mawlna ziak bep un, zia thilte chu la la hi’khâk uh ahi, ti ka hia’i.

NASEPTE 4:17

Himaleh, zia hi mipite lak ah a kithan sawn lona dingin, amau hi vau lau hitiu in, zia min ahi bangma ahi tâk lona ding un,” a tiu a.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

NASEPTE 9:14

zia lam ah hinle la min lam tapote kântom ding ah thiampu lalte phalna nei ah hung ei ve!” ti’n a dawnhu a.

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

1 KORINTH 2:8

Zia chu khawvel lalte kuama’n a hepuau hi; a la he hileu chu lopina Lalpa chu a la khênden lo ding a hiu in.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

3 JOHAN 1:7

Amau chun Khrista ziak ah kipandok in, ginglote ah kipat panpina pom lo ahi ngal un.

THUPUAN 2:3

Thok le la thuak ta’n, himaleh, la thuak zo jel hi; ka min ziakin la sêmgim ta’n; himaleh, la chau diak puai.