JOHAN 15:2 - PATHIAN LEKHABU THIANGTHO (BSI)

² Keima ah bâk ga lo tapo chu a sâttha sek hi. A bâk ga sua tapo chu, a ga tam zawk diakna dingin a hi’thiang sek hi.

JOHAN 15:2 ပူးပေါင်းရင်းမြစ်များ

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

SAM 92:14

Têknung inle ga sua zing intiu in; tuipom zing in hing dip dep in au.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

DANIAL 11:35

A lak ua mipil khenkhatte chu hi’thiantho a hiu ah, thiangtho ah, buak kâi lo ah a umtheina ding un, hun tawpni a tun masang sia’n pûk ta’n au; a hunbî guat ah umsa a tun ma’n zalenna um ding ahi ngal a.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

MALAKI 3:3

ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

MATTHAI 13:12

Kuale, a nei tam chu piak belap hi’ntin, tam tak nei in a; himaleh, a neilo chu a neisunle lâkpiak hi’n a.

MATTHAI 13:33

Tekhinthu dang pakhat a gen kit a: Van-gam chu thawi gual a hi: Zia chu numei khat in a la, changbuang te’na a dim thum lak in a hel ah, a lêng ah a zen suak masia a koi gual hi ahi, a tia.

MATTHAI 15:13

Ama chun, ka Pa van ah mi phu’ lo thing taphot chu bawdaw ding ahi.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

MATTHAI 25:29

Kuale a nei tapo piak belap hi’ntin, tam tak nei in a; himaleh, a neilo chu a neisun le lâkpiak hiding ahi.

MATTHAI 3:10

Heicha chu thingbul tin in a koi tau hi; ga pha sua lo taphot phûk in mei ah pai lut ding a hiu.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

MATTHAI 7:19

Thing tin ga phalo tapo chu a phûk un, mei lak in a pai lut sek ui.

MARKA 4:20

Chuleh, lei phatna kethate chu ziate hi a hiu: Thu chu a het tak ua leh pom ngal in, a ga hun suau ah, ale’ sawmthum, ale’ sawmguk leh ale’ za khat ah hung pungte chu a hiu,” a tia.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

JOHAN 15:1

Kei hi grep gui tak chu ka hi, ka Pa chu a grep huanneipa ahi.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 15:3

Nanghaw vang, la kiang ua thu ka gen tâk ziak hin la thiangtho tau hi.

JOHAN 15:6

Mi keima ah a um zing lo chun, bâk gual ah sâtthâk ah um in, a hung vuai sek hi; tichun, a chomkhawm un, mei lak in a pai lut un, a kâng sek hi.

JOHAN 15:8

Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

JOHAN 17:12

A kiang ua ka um sung khan, nang in kei lei piakte haw hi la min in ka vop pha tai. Amau haw hi ka vêng in, Pathian Lekha thu guitunna dingin mangthai chapa bep longal pakhat chale a mangthai puau hi.

ROMTE 11:17

Chun, a bâk khenkhatte chu sâtthâk ah um in, nang gam Oliv chu amau zung ah kizom ah la um ah, Oliv thing phatna chu kikoppi la hi chun,

ROMTE 11:22

Ziaziakchun, Pathian lau um dan leh a phatnate hi ngaitua phau in; a pûkte â dingin lau um tak ahi; ahi’n la, Pathian lungsiatna la chung un a um hi, a lungsiatna la um zing lo ua leh sâtthâk in um mai ding la hiu.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 13:1

Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.