JOHAN 15:11 - PATHIAN LEKHABU THIANGTHO (BSI)

¹¹ Ka kipakna nangmau ah a um zing ah, nangmau kipakna le sukbutin ah a umtheina dingin, la kiang un zia thute hi ka gen ahi.

JOHAN 15:11 ပူးပေါင်းရင်းမြစ်များ

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

JEREMIAH 32:41

Amau â ding ah thilpha bawl chu ka lung lam hita’n a; tichun, zia gam ah hin ka lungthim leh ngaituana zosia tawh, ginumna’n phudet ta’ng ka.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

LUKA 15:23

Chuleh, bawngno thau pen kha hun kai un la that un, kipak tak in nei tiu.

LUKA 15:32

Zia la nau hi a thisa hing kit ahi’n, a mangsa kimu kit ahi; ziaziakchun, kipak in limna I bawl ding him uh ahi a tia, ti’n a gen tai.

LUKA 15:5

A mudaw tak leh, a liangko in hun pua’n tin, kipak ma ma in,

LUKA 15:9

Ahi’n, a hun mudaw tak leh, a Invêngte leh a gualte ko khawm in, ei hung kipakpiu in, ka dangka thik matsua kha ka mu kit tai ti ding a hi.

JOHAN 16:24

Tu’tiang hin ka min in bangma la don kha nai puau hi. Don un, mu’n lau, la kipaknau a bukim theina ding in.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 17:13

Tu’hin, nangma kiang ah hung ding ka hi tai; zia thute hi khawvel ah hin ka gen tai; amau ah ka kipakna a bukim theina dingin.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

2 KORINTH 1:24

La ginnau chung ah thunei gua hilo in, la kipakna ding ua nang uh tawh sem khawm ka hi zawu hi; ginna’n la ding det ta ngal un.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

PHILIPPI 1:25

Chuleh, zia chu ka ginchâk ziakin, ginna ah la hung khanto ua, la kipakna ding un, la leng ua kiang ah um zing ding ka hi ti ka hia’i.

1 THESSALONITE 5:16

Kipak zing un.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

1 JOHAN 1:4

I kipaknau a bukim theina dingin zia thute hi ka hun zik uh ahi.

2 JOHAN 1:12

La kiang ah gen ding tam tak ka nei hi; himaleh, lekhapêk leh lekhatui ah zik ka nuam puai; zia sâng ah chun, la kipaknau a bukim theina dingin la kiang ua hung ah, kimaitua ah kiho ka kinem hi.