JOHAN 14:28 - PATHIAN LEKHABU THIANGTHO (BSI)

²⁸ La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in.

JOHAN 14:28 ပူးပေါင်းရင်းမြစ်များ

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

SAM 68:9

Aw Pathian, nang in gua tam tak la zuksak a; la gochan ding a zawnkhâl lai inle la hi’det ta’n;

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 13:16

Titakzet in ka hil la hiu, suak a pu sâng in a lian zaw ngai puai; chuleh, sawl ah um chule a sawlpa sâng in a lian zaw ngai puai.

JOHAN 14:12

Titakzet in ka hil la hiu, kuale keima ei ging chun, ka nasepte hi ama’nle hun sêm in a, keima Pa kiang ah ka chia ding ziakin, ziate sâng ah nasa zaw hile hun sêm ding ahi.

JOHAN 14:18

Nauchaga gual in hun nusia pua’ng ka; la kiang ua hung kit ding ka hi.

JOHAN 16:7

Abang chu hileh, thutak ka hun hil la hiu; ka chia mang ding hi nanghaw â dingin a phazaw ahi; kei chia mang lo leng Genpiakpa chu la kiang un hung lo ding ahi; himaleh, ka chia tak leh ama chu la kiang un hun sawl ding ka hi.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 20:21

Jesu’n a kiang un, “Ka Pa’n ei sawl gual in nang hawle ka hun sawl la hiu, la lak un thamuanna um ta hen!” a ti kit a.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

JOHAN 7:33

Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

1 KORINTH 11:3

Ahi’n la, Khrista chu pawsal zosia luchang ahi’n, pawsal chu a ji luchang ahi’n; Pathian chu Khrista luchang ahi ti, la het uh ka dawi hi.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.