JOHAN 14:27 - PATHIAN LEKHABU THIANGTHO (BSI)

²⁷ Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 14:27 ပူးပေါင်းရင်းမြစ်များ

2 KHANGTHU 20:30

Pathian in a kîmvêl ua gam zosia’ kipat gâlmuanna a piak tâk ziakin, Jehoshaphat gam sung chu thamuang tak in a um tai.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

SAM 11:1

Lalpa chu ka bêlbul ahi; bang ding ah vacha gual ah, “tâng lam ah lêng mang in,” ei ti ding la hem?

SAM 112:7

Thusia hetkhak ding a lau puau in; Lalpa ah chun lungthim det in, a muang ui.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 28:3

Migilo leh thil phalo bawlte lak ah chun, thiamlo ei chan khawmsak kin la; amau chun a Invêngteu kiang in, kichamna thu gen sek maleu, a lungthim uh chun thil phalo ngen a ngaitua ngal un.

SAM 29:11

Lalpa‘n a mite hâtna pia ta hen! Lalpa‘n a mite thamuanna’n maljawl ta hen!

SAM 56:11

Pathian ka ging hi, ka lau puai, Mihing mai mai in bang ei law thei ding a hem?

SAM 56:3

Aw Chungnung Penpa, ka lau phat si’n leh hun ging ing ka.

SAM 72:2

Dikna’n la mite chung ah vaihawm hen la; genthei thuakte chu dik tak in vaihawm piak hen.

SAM 72:7

Thapi a bei masia, ama damsung in dikna leh, chamna’n a gam lua dim hen.

SAM 85:10

Ngilneina leh thutak kituak intiu in; dikna leh kichamna kichawptua ding a hiu.

SAM 91:5

Jan thim chu lau pua’n la tin, sûn ah thalchang lengte le lau diak pua’n la,

THUPILTE 3:25

Siatna hung tung phut ding leh, mi nunsiate siat bawlna chule lau diak kin;

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 1:8

Amau chu lau kin, nang hun hukdok dingin, la kiang ah ka um zing ngal a, Lalpa‘n a tii,” ti in.

KÂ LATE 3:17

ka thagau in muanna a mu pua’n; a nuam kiti him him bang gual a hile ka hemil tai;

EZEKIEL 2:6

Aw mihing, nang in vang amau chu lau kin la, khaugui lingnei leh ling in a ûm kîmvêl leh, ainuvette lak ah chêng hiziang malehchin le, a thugen uh le lau diak kin; mi helmangte a hiziak un, a thugen uh lau kin la, a mêl putdan uh le huphul diak kin.

DANIAL 4:1

Lengpa Nebukadnezar in khawvel pumpi ah mi zosia, nam zosia leh pau zosia kiang in: Nasa tak ah maljawl in um tau in!

DANIAL 6:25

Ziaphatchun, Lengpa Darius in, khawvel pumpi mi zosia, nam zosia leh pau zosiate kiang in lekha a zik ta’n: La lak un vangphatna sukpun in um ta hen!

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

KISIMNA LEKHABU 6:26

Lalpa‘n la lam hun nga zing hen la, thamuanna hun pia zing ta hen.

MATTHAI 10:26

Himaleh, ziate chu kicha kiun; taklat lo ding ah selgûk bangma a um pua’n; chuleh, thugûk het lo ding ah îm le a um diak puai.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

LUKA 10:5

Kua In hilehle, la lut masakna taphot ua chun, ‘Zia In ah hin thamuanna tung hen!’ ti sek unla.

LUKA 12:4

Gualte haw, ka hil la hiu, taksa that ah, zia nung ah chu bangma law thei talo chu lau kiu inla;

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 14:1

La lungthim uh lungkham ki’hen, Pathian la ging ui, keima le ei ging tau in.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 20:19

Chun, zia ni, hapta khat ah a ni masa pen nitâk lam ah chun, Judate a lau ziak un nungzuite chu kot a kikhak khum lai un, Jesu chu a lak un a hung ding ah, “La chung un thamuanna um ta hen!” a tia.

JOHAN 20:21

Jesu’n a kiang un, “Ka Pa’n ei sawl gual in nang hawle ka hun sawl la hiu, la lak un thamuanna um ta hen!” a ti kit a.

JOHAN 20:26

Ziazaw ni giat nung ah chun, a nungzuite chu In ah a kikhawm kit un; Thoma le a lak un a pang ta; kot kikhak zing lai ah chun Jesu chu a hung ah, a umna lailung tak ua chun a hung ding ah, “La lak un thamuanna um ta hen!” a hun tia.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

NASEPTE 18:9

Jan khat Lalpa chu Paul kiang in a kilâk a, “Lau kin la, thu chu gen inla, thipsan kin;

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 8:6

Taksa lam thilte lunggulna chu thi’na ahi’n; thagau lam thil lunggulna chu hinna leh thamuanna ahi ngal a.

1 KORINTH 1:3

I pau Pathian leh Lalpa Jesu Khrista ah kipat hepina leh thamuanna nangmau ah um zing ta hen.

GALATIA 1:3

Pa Pathian leh I Lalpa Jesu Khrista ah kipat hepina leh chamna chu la kiang un um ta hen.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

GALATIA 6:16

Zia dan gual ah um tapote chung ah chun chamna leh jangaina um ta hen.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

KOLOSSA 1:2

Kolossa khua Khrista mi thiangthote leh suapi ginumte kiang in; I Pau Pathian kiang ah kipat hepina leh chamna, la kiang un um ta hen.

KOLOSSA 1:20

chuleh, ama ziak ah Pathian in bangkim tawh kichamna a nei chu a lung lam tak ahi; lei chung ah um hi’n, van ah um hitaleh, a kros thisan ziakin kichamna a hun siam ta ahi.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

2 THESSALONITE 1:2

Pa Pathian leh Lalpa Jesu Khrista kiang ah kipat in, hepina leh chamna la kiang un um ta hen.

2 THESSALONITE 3:16

Chuleh, chamna Lalpa ngei chun bangtik lai inle, bang lam lam inle chamna hun pia ta hen. Lalpa chun la leng un hun umpi chiat ta hen.

2 TIMOTHI 1:7

Pathian in launa thagau ei pepua’n, thilhitheina leh hepina leh kithununna thagau ei pia zaw ngal a.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

HEBRAITE 7:2

Ama kiang in Abraham in a nei zosia lak ah sawm ah khat a pia’n; a min umzia chu a masa pen in, “Dikna lal” ahi’n; a ban in, “Salem lal,” ahi, zia chu, “Chamna lal,” ti’na ahi.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.