JOHAN 14:26 - PATHIAN LEKHABU THIANGTHO (BSI)

²⁶ Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 14:26 ပူးပေါင်းရင်းမြစ်များ

SAM 51:11

La kiang ah kipat ei paidok kin la, la thagau thiangtho hi ei lâkpiak kin.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

MATTHAI 1:18

Messiah Jesu hung pian dan chu zia gual hi ahi. A nu Mari chu Joseph tawh kicheng ding ah kikhâm lai; a um khawm mau in, Thagau Thiangtho in nau a vopsak hi ti a hung he tau a;

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

MARKA 12:36

David khan la, Thagau Thiangtho in, a kam ngei in, ‘Lalpa chun ka Lalpa kiang ah: La mêlmate la keng nuai ah ka koi piak masia, ka changlam ah kichu’n,’ a la ti’n,” a tia.

MARKA 13:11

Ahi’n, mat leh piakdaw ah la um tak ua leh le, la gen ding uh chu ngaitua lawk diak kiu inla, la lungthim unle gêl masa kiu in; a hun tak ah la kiang ua hiatsak ah um chu gen mai un; nangmau ah kipat pawt la gen ding uh a hipua’n, Thagau Thiangtho in a hun hiatsak ding a hizaw ngal a.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 1:41

Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;

LUKA 1:67

Chun, a pa Zekhariah chu Thagau Thiangtho in a hung dim a, thu a hun genlawk a:

LUKA 11:13

Nanghaw migilo in bawn la chateu thilpha piakna châng la het ua leh, la pau van ah um chun adonte chu Thagau Thiangtho pena lawm lawm in ah e! a tia.

LUKA 2:25

Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.

LUKA 24:49

Ngai un, ka Pa tiamsa chu la chung un hun sawl ding ka hi; zia chung lam ah kipat thilhitheina ah thuam ah la um masang siau chu, Jerusalem khawpi hin um zing un,” a tia.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

JOHAN 1:33

Ama chu ka la he ziang pua’n; himaleh, tui ah baptis ding ah ei sawlpa chun ka kiang in, ‘A chung ah Thagau hung suk ah, a chung ah hung chû, umzing la muna pen pen chu, zia mi chu Thagau Thiangtho ah baptispa ding chu hiding ahi!’ a ti’sa kha ahi.

JOHAN 12:16

Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 14:16

Chuleh, keima’n Pa kiang in don ing ka tin, ama chun Thamuanpa dang, bangtik lai ah le la kiang ua um zing ding chu hun sawl piak ding ahi.

JOHAN 14:25

La kiang ua ka um sung ngei hin zia thute hi ka hun gen la hiu hi.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:7

Abang chu hileh, thutak ka hun hil la hiu; ka chia mang ding hi nanghaw â dingin a phazaw ahi; kei chia mang lo leng Genpiakpa chu la kiang un hung lo ding ahi; himaleh, ka chia tak leh ama chu la kiang un hun sawl ding ka hi.

JOHAN 2:22

Ziaziakchun, mithi lak ah kipat a thawkit phatin, zia chu a la genna ahi, ti a nungzuite’n a hun hedok kit tau a; chuleh, Pathian Lekha thu leh Jesu thugen chu a taksang tau ahi.

JOHAN 20:22

Zia a gen zaw chun amau chu a hu a tha khum ah, “Thagau Thiangtho nei un.

JOHAN 6:45

Jawlneite Lekhabu khan, ‘Amau haw chu Pathian hil in um in au,’ ti’n zik ahi. Ziaziakchun, mitin Pa thu he ah, zil taphot chu ka kiang in a hung sek ui.

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

NASEPTE 1:2

apostolte, ama têlte kiang ah Thagau Thiangtho ah a thupiak zosia a piak dan leh, lâk to ah a um ni tiang in, a leng in ka hun zik hi.

NASEPTE 1:4

Amau tawh a um khawm lai un, a kiang un, “Jerusalem khua hi nusia kiu in la, Pathian thil tiamsa, la kiang ua ka la gen la het tâk uh kha ngâk zing un,” ti’n thu a pia.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 11:16

Chun, Lalpa thu gen, ‘Johan in tui in mi a baptis sek in; nanghaw vang Thagau Thiangtho in baptisma chang in lau,’ a ti dante kha ka hun hedok kit ngen a.

NASEPTE 13:2

Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

NASEPTE 13:4

Tichun, Thagau Thiangtho in a sawldaw dungzui in Seleukia khua lam zuan in a kipandok un, zia kipat chun Kupra tuikual gam lam ah long in a kitawl kâi un,

NASEPTE 15:28

Tichun, zia thil poimaw tak takte longal hi la chung ua puakgik nasa zaw hun nga lo dingin, Thagau Thiangtho leh keimau in pha ka sa tau hi:

NASEPTE 15:8

Pathian, mi zosia lungthim he pa chun, ei haw chung ah a tunsak gual gual in amau haw chung inle Thagau Thiangtho chu a tunsak in a hiatsak tai,

NASEPTE 16:6

Phrugia leh Galatia gam a chuan suak tau a; himaleh, Asia gam ah thugen ding chu Thagau Thiangtho in a zada a.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.

NASEPTE 2:4

A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

NASEPTE 28:25

Tichun, a kithutuak theilo phat un, a peljak masang un Paul in thu kam khat a gen a, Thagau Thiangtho in jawlnei Isai mang ah la pu leh pateu kiang ah a la gen kha a dik ngei hi:

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

NASEPTE 7:55

Himaleh, ama chu Thagau Thiangtho ah dim in, van lam a en zing ah, Pathian lopina leh Pathian changlam ah Jesu ding a mu ta’n.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

1 KORINTH 12:3

Ziaziakchun, kuama’n Pathian thagau ah thu gen in “Jesu chu hânsedawl ahi,” a ti ngai puau hi; kua’nle Thagau Thiangtho beplo ngal in “Jesu chu Lalpa ahi,” a ti ngai puau hi ti ka hiatsak la hiu.

1 KORINTH 6:19

Aleh, la taksau chu la sung ua um, Pathian kiang ah kipat la muu Thagau Thiangtho chênna In ahi ti leh, nangmau â la hita puau hi ti helo la hiu em?.

2 KORINTH 6:6

thianthona, hetna, dawtheina, chitna, Thagau Thiangtho leh hepina tak tak ah te;

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

HEBRAITE 10:15

Chuleh, Thagau Thiangtho le hiatpitu a hita’n; zia nung ah chun a malam ah a la gensa,

HEBRAITE 2:4

Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.

HEBRAITE 3:7

Ziaziakchun, Thagau Thiangtho in; “Tu’ni hin a aw la het ua leh,

HEBRAITE 9:8

Thagau Thiangtho chun, biakbûk masa chu a din nâklai ziakin, Munthiangtho pen ah lutna lampi chu a kilang nai puai, ti a hiatsak hi.

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

1 JOHAN 2:20

Himaleh, nang uh vang, Mithiangtho chun sathau a nu’ la hitau a, hetna la nei chiat tau hi.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

1 JOHAN 5:7

Hiatsaktu pathum a um hi:

JUDA 1:20

Himaleh, doitakte haw, nang uh vang la ginna thiangtho chung ua chun kilemto unla, Thagau Thiangtho ah pauchap unla,

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.