JOHAN 14:24 - PATHIAN LEKHABU THIANGTHO (BSI)

²⁴ Kuale, keima ei hepi lo chun, ka thugente le a zui nuam diak puau hi; ka thugen la hiatteu hi kei â ahi puai, Pa ei sawlpa â ahi zawi.

JOHAN 14:24 ပူးပေါင်းရင်းမြစ်များ

MATTHAI 19:21

Jesu’n a kiang in, “Pha bukim ah um la nop chun chia inla, la nei zosia zuak inla, migentheite kiang in pia’n, zia tak chuleh van ah go nei inla: Chuleh, hung inla ei zui in,” a tia.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 14:15

Nang un lei hepiu leh ka thupiakte jawm in lau.

JOHAN 14:25

La kiang ua ka um sung ngei hin zia thute hi ka hun gen la hiu hi.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 5:38

Chuleh, a mi sawl hi la ginchâk lo ziak un, a thule nangmau ah a um puai.

JOHAN 7:16

Jesu’n a kiang un, ka thugen hi keima thu ahi pua hen, ei sawlpa ah kipat a hizawi.

JOHAN 7:28

Ziaphatchun, Jesu’n tempul ah mi a hil lai in, a hung kiko ah: “Nang un lei hiau in, ka hung kipatnale la hiau hi. Himaleh, keima thu hung ka hi puai. Ei sawlpa chu mi thu tak ahi’n, ama chu nang un la hepuau hi.

JOHAN 8:26

La chungthuu ah hin gen ding leh demna ding tam tak ka nei nalai hi; himaleh, ei sawlpa chu midik tak ahi’n, ama ah kipat ka hiatte chu zia khawvel kiang ah hin ka gen zawk ahi,” a tia.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 8:38

Keima’n ka Pa ah kipat thu ka mute ka gen in; nang unle la Pau ah kipat thu la muteu la bawl sek uh ahi,” a tia.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.