JOHAN 14:21 - PATHIAN LEKHABU THIANGTHO (BSI)

²¹ Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

JOHAN 14:21 ပူးပေါင်းရင်းမြစ်များ

2 LENGTE 18:6

Ama chun Lalpa chu a tuk zing ziakin, ama nung chu a zui khial kha puai, Mosi kiang ah Lalpa‘n thu a piak ngei kha a zui zaw ta ahi.

SAM 35:27

Ka dikna chung ah kipakte chu, lim leh kipak ah kiko in: “A suak vangphatna chung ah kipak sek Lalpa lopi chu, chawihoi in um hen!” ti zing tau hen.

PAWTDAWNA THU 33:18

Mosi’n a kiang in, “La lopina chu lungsiat tak in ei musak ta’n la,” a tia.

THUPILTE 8:17

Keima ei ngaina chu ke’n le ka ngaina, gunchu tak ah ei hawlte chun ei mu’n au.

JEREMIAH 31:31

Israel Inkuan leh Judai Inkuante tawh, ka kikâl ua thutiam thak ka siamna ding nite chu hung tung ngei ngei ding ahi tai, Lalpa‘n a tii.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

JOHAN 14:15

Nang un lei hepiu leh ka thupiakte jawm in lau.

JOHAN 14:18

Nauchaga gual in hun nusia pua’ng ka; la kiang ua hung kit ding ka hi.

JOHAN 15:14

Ka thupiak tapo la bawl ua leh ka gualte hi’n lau.

JOHAN 16:14

Keima ei chawisâng in a. Ama chun kei â zosia chu la’n tin, la kiang un hun taklang in a.

JOHAN 16:27

keima lei hepi ziak uh leh, Pa ah kipat hung ka hi dan la taksan tâk ziak un, Pa ngei chun nangmau a hun hepi hi.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

NASEPTE 22:18

Jesu chu ka mu’n, ka kiang in zia thu hi a hun gen a: A kinthei penin Jerusalem ah kipat pawt in, keima chung thu ah la thugen haw chu pom pua’n au, a ti’n.

2 KORINTH 12:8

Zia thu ah chun ei nutsia theina dingin, Lalpa kiang in thumvei hial ka don ta’n;

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

DAN LEKHABU 11:13

Tu’ni ka thu hun piakte zosia la zop ua, Lalpa la Pathian la hepiu ah, la lungthim leh ngaituanau zosia ah ama na bep la sep uh chun:

DAN LEKHABU 7:13

hun hepi in, maljawl in, hun hi’pung in ah; la pu leh pateu kiang ah piak a la tiamsa gam ah chun la gil ua gate leh la gam ua theiga te, bu te, uain te, sathau te, la ganchateu leh la belamteu chu hi’pun piak in a.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

1 JOHAN 2:5

Himaleh, a thu zawm tapo chu, ama ah chun Pathian hepina chu a bukim hi. Zia chun ama ah I um uh chu I hethei ui.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 5:3

Pathian hepina chu zia hi ahi, a thupiakte I zop uh hi. A thupiakte le a haksa puai.

2 JOHAN 1:6

Zia hi hepina chu ahi: A thupiak dungzui ah I um uh hi; zia thupiak hi a lim ah kipat la neisau chu ahi, zia ah chun um zing tau in.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.