JOHAN 14:18 - PATHIAN LEKHABU THIANGTHO (BSI)

¹⁸ Nauchaga gual in hun nusia pua’ng ka; la kiang ua hung kit ding ka hi.

JOHAN 14:18 ပူးပေါင်းရင်းမြစ်များ

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

SAM 23:4

Thi’na lîm guam thim pen hawtheng ziang malengle, thil phalo him him lau pua’ng ka; nang ka kiang in la um ngal ah; la khetbûk leh la tiang in lei thamuan hi.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

KÂ LATE 5:3

Pa neilo nauchaga ka suak zo tau; ka nuteu le meithâi gual a hitau hi.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

JOHAN 14:16

Chuleh, keima’n Pa kiang in don ing ka tin, ama chun Thamuanpa dang, bangtik lai ah le la kiang ua um zing ding chu hun sawl piak ding ahi.

JOHAN 14:3

Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un.

JOHAN 16:16

Chomkhat sung nang un ei mu ta pua’n lau; chuleh, chomkhat zaw leh ei mu kit in lau, a tia.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

HEBRAITE 2:18

Ama ngei chun patepna a la thok tâk ziakin, patepna tuakte chu a panpi thei hi.