JOHAN 14:17 - PATHIAN LEKHABU THIANGTHO (BSI)

¹⁷ Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:17 ပူးပေါင်းရင်းမြစ်များ

THUPILTE 14:10

La lungthim natna chu nangma bep in la kihet in, la kipakna le melhet lote’n a hun kipakpi ngai puau hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

EZEKIEL 36:27

La sung ah ka thagau koi ing ka; tichun, ka dante hun zuisak ta’ng ka tin, ka dan thuguatte chingthei tak in zui ta’n la.

MATTHAI 10:20

A gen ding chu nang uh hilo in, la Pau thagau in gensak zaw ding ahi.

JOHAN 14:16

Chuleh, keima’n Pa kiang in don ing ka tin, ama chun Thamuanpa dang, bangtik lai ah le la kiang ua um zing ding chu hun sawl piak ding ahi.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

1 KORINTH 14:15

Bang ka hita diam leh? Thagau in pauchap ka tin, hetna’n le pauchap ing ka; thagau in La sa’ng ka tin, hetna’n le sa’ng ka.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

1 KORINTH 3:16

Nangmau chu Pathian chênna In leh, Pathian Thagau chênna la hiu ti helo la hiu em?

1 KORINTH 6:19

Aleh, la taksau chu la sung ua um, Pathian kiang ah kipat la muu Thagau Thiangtho chênna In ahi ti leh, nangmau â la hita puau hi ti helo la hiu em?.

2 KORINTH 13:5

Ginna ah chun la umnau em ti nangmau ngei kipatep sek unla, ki-enchian un. Ahiloleh, nangmau ah chun Khrista a um hi ti la kihechian puau ah a hem? Doilo la hilo ngal uh chun!

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 5:7

Hiatsaktu pathum a um hi:

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.