JOHAN 14:16 - PATHIAN LEKHABU THIANGTHO (BSI)

¹⁶ Chuleh, keima’n Pa kiang in don ing ka tin, ama chun Thamuanpa dang, bangtik lai ah le la kiang ua um zing ding chu hun sawl piak ding ahi.

JOHAN 14:16 ပူးပေါင်းရင်းမြစ်များ

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

JOHAN 14:14

Nang un ka min ah la dot taphot uh chu, bang hiziang taleh, zia chu hi’piak ing ka.

JOHAN 14:18

Nauchaga gual in hun nusia pua’ng ka; la kiang ua hung kit ding ka hi.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:22

Zia gual ah chun, tu’hin nang uh le la lungngai tadiu ahi; himaleh, nang uh hung mu kit ding ka hi, zia tak chuleh la lungthim uh kipak ta’n a; kuama’n la kipaknau chu lak piak thei talo ding ahi ngal a.

JOHAN 17:15

Khawvel ah kipat amau ladok dingin ka don pua’n, himaleh, gitlona lak ah kipat vêng bit dingin ka don zaw ahi.

JOHAN 17:20

Ziate â ding bep hin ka don puai, amau haw thugen ziak ah keima ei hun ging dingte â dinginle ka pauchap hi;

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

NASEPTE 1:4

Amau tawh a um khawm lai un, a kiang un, “Jerusalem khua hi nusia kiu in la, Pathian thil tiamsa, la kiang ua ka la gen la het tâk uh kha ngâk zing un,” ti’n thu a pia.

NASEPTE 13:52

Nungzuite chu kipakna leh Thagau Thiangtho in a dim tau hi.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

PHILIPPI 2:1

Chutichun, Khrista ah lung muanna him him, hepi thamuanna him him, Thagau pawlna him him, lainatna leh lungsiatna him him a um chun, lungthim munkhat ah um in,

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

2 JOHAN 1:2

Thutak eimau ah um zing leh I kiang ah kumtuang ah um zing ding ziak ah chun,