JOHAN 13:34 - PATHIAN LEKHABU THIANGTHO (BSI)

³⁴ Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

JOHAN 13:34 ပူးပေါင်းရင်းမြစ်များ

SAM 119:63

Nangma kicha mite leh, la thununna thu zawm taphot â ding ah gualpha ka hi.

SAM 16:3

Lei ah mithiangthote a hiu leh vang, mi ja umte a hiu in; ka kipakna bukimnate chu a hiu.

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

THIAMPUTE LEKHABU 19:34

Nanghaw le Aigupta gam ah malzin ah um la hi tâk ziak un, la chênkhawmpiu gam dang mite chu, la lak ua piang gual tuk ah a um ua, nangmau la kihepi gual ua la hepi ding uh ahi: Keima hi Lalpa la Pathian uh ka hi.

MATTHAI 5:44

Kei vang in ka hil la hiu, La mêlmateu hepiu inla, a sugentheite chu pauchap piak un;

JOHAN 15:17

La kihepi tua chiat theina ding un, zia thupiak cheng hi ka piak la hiu.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 13:10

Hepina hin a Invêng siatna ding bangma a bawl puai; ziaziakchun, hepina hi Dan hi’bukimna ahi.

ROMTE 13:8

Kihepituana beplo chu kuama thil ba kiu in; midang hepitu chun dan chu a hi’bukim ahi.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

KOLOSSA 1:4

Khrista Jesu la gindan uh leh, mithiangtho zosia chung ah hepina la nei dan uh ka het tâk ziak un;

1 THESSALONITE 3:12

Chuleh, nangmau chung ah hepina ka hau gual un, la lak ua kihepituana leh mi zosia chung ah hepina chu Lalpa‘n hun hi’pun piak ta hen.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

HEBRAITE 13:1

Kihepi tua zing un.

JAKOB 2:8

Pathian Lekhathu’n, “Nangma la kihepi gual in la Invêngte hepi in,” ti lenggam dan chu la zop ua leh a bawlpha hi’n lau.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

2 PETER 1:7

la Pathian ngaisaknau ah chun suapite ngainatna pansak unla; la suapite ngainatnau ah chun hepina pansak tau in.

1 JOHAN 3:11

Zia hi a lim ah kipat thu la het uh chu ahi: I kihepi tua chiat diu ahi, ti hi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 4:21

Ama ah kipat zia thupiak hi I nei uh ahi: Pathian hepi taphot in a suapiteu le a hepi diu ahi, ti hi.

2 JOHAN 1:5

Tu’hin vang, numei ja’um, thu piak thak hun pia hilo in, a lim ah kipat I la neisau gual in, kihepitua chiat hitiu ti’n ka hun zik ahi.