JOHAN 13:23 - PATHIAN LEKHABU THIANGTHO (BSI)

²³ zia lai tak ah chun nungzuite lak ah pakhat, Jesu’n a hepi chu a âng in a kinêl a;

JOHAN 13:23 ပူးပေါင်းရင်းမြစ်များ

2 SAMUEL 12:3

himaleh, mi chagapa chun belamno anu pakhat a chawk ti bep lo chu bangma dang a nei puai. Zia gancha chu a enkol ah, ama tawh a chate lak in a khanglian ah, a an nei sun ah vâk in, a dawn dingle a pia’n, a pheichung in a lupsak in, ama â dingin chanu gual ah a nei ahi.

1 LENGTE 4:5

Nathan chapa Azariah chu hotute chung ah vaihawm ahi’n; Nathan chapa Zabud chu thiampu leh lengpa gualpha ahi;

LUKA 16:22

Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 11:3

Chun, a suapinute chun, a kiang in mi a hun sawl ua, “Lalpa, hung en tia, la hepi kha a dam puai,” a hung tiu a.

JOHAN 11:36

Judate chun, “En tiam un, a hepina lawm lawm e!” a tiu a.

JOHAN 11:5

Jesu chun Martha leh a suapinu leh Lazar chu hepi maleh,

JOHAN 13:24

Simon Peter chun zia pa kiang ah chun, kua a ti’na a hem ti vak dong dingin a sawl a.

JOHAN 13:25

Tichun, ama chu Jesu âng ah chun a kinêlchâk ngai ah chun a kinêlcha zing a, “Lalpa zia chu kua a hem?” ti’n a dong a.

JOHAN 19:26

Jesu’n, a nu leh a nungzui a hepi kha a kiang ah ding zing a mu’n, a nu kiang in, “Numei, la chapa kha en in!” a tia.

JOHAN 20:2

A hung tai ah, Simon Peter leh Jesu’n a hepi nungzui kiang in a hung a, “Lalpa kha thân ah kipat in a la kila mang tai, khoi ah a koi uh a hem ka he ta puai,” a hung ti’n.

JOHAN 21:20

Peter chu a hung kihei leh Jesu’n a hepi nungzuipa kha a hun zui in a mu’n; ama chu a jan an nêk lai ua a kiang ah kinêlcha, “Lalpa, kua a hem a hun matsak ding pen chu?” tia vak dongpa kha ahi.

JOHAN 21:24

Zia lekha hun zik ah, zia thil umdante genpa hi, zia nungzuipa chu ahi; a thu hiatsak le a dik hi ti I hiau hi.

JOHAN 21:7

Nungzuite lak ah Jesu’n a hepi khan, Peter kiang in, “Lalpa ei vei!” a vak tia. Simon Peter chun Lalpa ahi ti a het phat in, a puanâk a âk ah, ama chu a ngawnchang ah um ahi’n, tui lak ah chun a chawmtha tai.