JOHAN 13:19 - PATHIAN LEKHABU THIANGTHO (BSI)

¹⁹ Tu’hin, a hun tun ma ka hil la hiu, zia chu a hung tun tak leh keima ka hi, ti hun hechian ta’n lau.

JOHAN 13:19 ပူးပေါင်းရင်းမြစ်များ

ISAI 41:23

Tu’nung ah thil hung tung dingte chu ei hil un; tichun, pathiante a hi’dan uh ka hettheina dingin; ka lau ua, ka tizat theina ding un, a pha hi’n, a sia hileh hun bawl un.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 48:5

A tîl ah kipat khan ka tâklang ta’n, a hung tun masang khan ka hun hil ta kha lam, “Ka milimte thilbawl ahi’n, ka milim siam leh sunthawte thupiak ah tung ahi,” la ti lona ding in.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MATTHAI 11:3

amau chun a kiang in, “A hung dingpa chu la hi em? Midang a la ngak nalai ding ka hiu em leh?” ti a vagensak a.

MATTHAI 24:25

En tiam un, a hun masang ah ka hun hil la hiu.

LUKA 21:13

Himaleh, zia chu amau chanchinpha la hiatsak theinau hun lemchâng hung hi zaw’n a.

JOHAN 1:15

Johan in a chanchin a hiatsak a, “Zia mi, ka nung ah hung dingpa chun ei makhel tai, ka malam ah umsa him ahi, tia ka gen sek kha ama hi ahi,” a tia.

JOHAN 14:29

Tu’hin a hun tun masang in ka hil masak la hiu; a hun hung tun tak leh la taksan ziang theina ding un.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.

JOHAN 4:26

Jesu’n a kiang in, “Keima la kiang ah thugen pa hi ama chu ka hi,” a tia.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.