JOHAN 13:14 - PATHIAN LEKHABU THIANGTHO (BSI)

¹⁴ Keima la Lalpau leh Hotupau inle la keng uh ka hun sil piak ahi leh, nang uh le la keng uh la kisil piak sek diu ahi.

JOHAN 13:14 ပူးပေါင်းရင်းမြစ်များ

JOHAN 11:2

Zia Mari chu Lalpa sathau hung nu’, a sam ah a keng hung thiak kha a hia; zia damlo Lazar chu a suapi ahi.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 12:16

Kituak tak in um chiat un. Kingaisâng kiu inla, mi kingaitawmte kivoppi zawu in. Kipilsak kiu in.

1 KORINTH 12:3

Ziaziakchun, kuama’n Pathian thagau ah thu gen in “Jesu chu hânsedawl ahi,” a ti ngai puau hi; kua’nle Thagau Thiangtho beplo ngal in “Jesu chu Lalpa ahi,” a ti ngai puau hi ti ka hiatsak la hiu.

1 KORINTH 8:13

Ziaziakchun, nêk leh châk ziak ah pûk a hiu chun, pakhat pûkna ding ka hi sâng in, sa nelo in um zaw mai ing ka.

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

GALATIA 5:13

Nanghaw, suapite haw, suak hilo ding ah ko la hiu a; himaleh, suak la hi’lonau chu taksa â ding ah lemchâng in mang kiu inla, hepina’n na kisep tua piak chiat zaw tau in.

PHILIPPI 2:11

leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.