JOHAN 12:49 - PATHIAN LEKHABU THIANGTHO (BSI)

⁴⁹ Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 12:49 ပူးပေါင်းရင်းမြစ်များ

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 14:24

Kuale, keima ei hepi lo chun, ka thugente le a zui nuam diak puau hi; ka thugen la hiatteu hi kei â ahi puai, Pa ei sawlpa â ahi zawi.

JOHAN 14:31

Himaleh, keima’n Pa chu ka hepi hi ti, khawvel in a hettheina ding un, Pa ei thupiakte gual gual in thil bangkim chu ka bawl zaw ding ahi. Kipan un, zia kipat hin pawtdok tai tiu, a tia.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

JOHAN 3:32

A mu leh a het taphot a hiatsak ah, a thu hiatsak chu kuama’n a pom puau hi.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 5:30

Keima’n ka thu thu’n bangma ka hi’thei puai. Ka het dan tak in vai ka hawm zaw sek hi; keima dawi gual gual ah ka bawl a hi’lo ziakin, Pa, ei sawlpa chun a ti dan dan in vai ka hawm zaw ahi; ziaziakchun, ka vaihawm chule a dik hi.

JOHAN 6:68

Simon Peter in a hun dawnhu ah, “Lalpa, kua kiang ah chia ding ka hiu em? Nang in kumtuang hinna thute chu la nei hi.

JOHAN 7:16

Jesu’n a kiang un, ka thugen hi keima thu ahi pua hen, ei sawlpa ah kipat a hizawi.

JOHAN 8:26

La chungthuu ah hin gen ding leh demna ding tam tak ka nei nalai hi; himaleh, ei sawlpa chu midik tak ahi’n, ama ah kipat ka hiatte chu zia khawvel kiang ah hin ka gen zawk ahi,” a tia.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;