JOHAN 12:48 - PATHIAN LEKHABU THIANGTHO (BSI)

⁴⁸ Kuale, keima ei doi lo ah, ka thu mang nuam lo chun, a chung thu tan piak ding pakhat a nei hi: a kiang ah ka thugente hin, nitawp ni tak leh amau chung thu hun tan piak ding ahi.

JOHAN 12:48 ပူးပေါင်းရင်းမြစ်များ

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 21:42

Ziaphatchun, Jesu’n a kiang un, Pathian lekha thu ah: Insate’n a doilo uh suang kha, a kil ah suang poimaw pen chu a la hi: Zia hi Lalpa thilbawl chu ahi’n, I mit muu in a mak ahi, ti ah kizik kha sim kha lo la hiu em? a tia.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

MARKA 12:10

Zia gual ah Lekha Thiangtho ah kizik hi a la sim kha lo la hiu em? “Insate’n a doi lo uh suang kha, zia suang ma kha, a kil ah suang phachuam pen a hung hi’n;

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

MARKA 8:31

Ziaphatchun, “Mihing Chapa hin thil tam tak thuak intin, upate leh thiampu lalte leh, lekhazikte doi lo in um intin; himaleh, ni thum zaw leh tho kit ding ahi,” a tia.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

LUKA 17:25

Himaleh, thil tam tak hun thuak masa phot intin, tu’lai khangthakte doi lo in hung um in a.

LUKA 20:17

Tichun, amau chu a en a, “Aleh, zia thu kizik hi a umzia la hiau em? ‘Insate doi lo suang kha, zia suang ma ma kha a kil ah suang poimaw pen ahi tai,’ ti thu kizik hi,” a tia.

LUKA 7:30

Himaleh, Pharisaite leh dan he mite chun, ama baptisma chansak ding chu a nop lo ziak un, amau â ding ah Pathian lemguat chu a dawi puau hi.)

LUKA 9:22

“Mihing Chapa hin haksatna tam tak thuak intin, upate leh thiampu lalte leh lekhazikte doi lo in um intin, that intiu in; himaleh, a nithum ni leh thokit ding ahi,” a tia.

LUKA 9:26

Kuale, keima leh ka thu japi tapo chu, Mihing chapa’n, ama lopina tawh, a Pa lopina tawh, vansawlchâk thiangthote lopina tawh a hung phat leh zia mi chu hun japi in a.

JOHAN 11:24

Martha chun a kiang in, “Nitawp ni thawkit ni tak leh hung tho kit ding ahi ti ka hia’i,” a tia.

JOHAN 5:45

Keima’n Pa kiang ah ka hun hêk ding gingcha kiu in; a hun hêk mi pakhat a um hi, la gin uh Mosi ngei chu.

JOHAN 6:39

Zia hi ka Pa ei sawlpa doigual chu ahi, ama’n ei piak zosia chu, bangma matsua neilo in, nitawp ni leh kaitho zaw leng.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

NASEPTE 17:31

ama’n ni a tep ziakin, ziaphat chuleh, a mi guat chu lei ah mite dik tak in vaihawm piak in a, Pathian in ama chu mithi lak ah kipat kaitho in, mi zosia kiang ah a hiatsak tai, a tia.

NASEPTE 3:23

Chuleh, kuale zia jawlnei thugen ngaisak lo taphot chu, mipite lak ah kipat in hi’mangthai dim dem ah um ding a hiu, a ti ta kha.

ROMTE 2:16

Ka chanchinpha gen gual ahin, zia ni phat chuleh, Pathian in mihing lunggil ngaituana zosia chu, Jesu Khrista ah chun vaihawm piak ding ahi.

2 KORINTH 4:3

Himaleh, ka chanchinphau hi khû ah a um chun, mangthai zingte â ding ah khû ah um ahi.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

HEBRAITE 10:25

Mi khenkhatte gual in I kikhopnateu haisan lo in, kitîlhat tua chiat hitiu, ni chu a nai tai ti la het ua leh kitîlhat tau in.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.