JOHAN 12:43 - PATHIAN LEKHABU THIANGTHO (BSI)

⁴³ Pathian pakchakna sâng in mihing pâkchâkna a hawl zaw ngal un.

JOHAN 12:43 ပူးပေါင်းရင်းမြစ်များ

SAM 22:29

A kiang ah chun lei ah ipmu tasa zosia khiangkho in au; leivui a la suak ta sa zosia a âng ah khiangkho intiu in, kei vang ama â dingin hing ing ka.

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

LUKA 19:17

A pu chun a kiang in, ‘Suak pha, la bawl phai; tawmcha chung ah la ginum ziakin khaw sawm chung ah vaihawm in pang in,’ a tia.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 5:41

Mihing pakchâkna mai hi ka kipakpi puai.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

JOHAN 7:18

Kuale ama phuakkawm gen chu, ama lopina ding kihawl a hisek hi; ahi’n, ama sawlpa lopina ding hawl tapo chu, zia ngei chu a dik ahi, ama ah chun diklona him him a um puai.

JOHAN 8:54

Jesu’n, “Keima kilopisak hileng, ka kilopisakna chu bangma hipua’n a. Nang hawn, ‘Ka Pathian uh,’ la tiu, ka Pa chu ei chawisangpa ahi;

ROMTE 2:29

A sunggil lam ah Juda mi hite bep chu a tak a hiu; chuleh, tak tak hilo in, lunggil lam thagau ah zektante bep chu zektan tak tak a hiu. Zia gual mite chun, mihing pachatna sâng in Pathian pachatna a law zaw sek ui.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

2 KORINTH 10:18

Ama kigenpha chun pâkchât a law pua’n, Lalpa’n a genphat te chun a law zaw sek hi.

1 THESSALONITE 2:6

Nangmau lak hin, midang lak ah hitaleh, mihingte pakchat ka hawl ngai puau hi,

1 PETER 3:4

lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.