JOHAN 12:40 - PATHIAN LEKHABU THIANGTHO (BSI)

⁴⁰ “Ama’n a mit uh a hi’thûm ah, a lung uh ahi tâk ah; a mit ua a mu lo ua, a lungthim ua a het thiam lo ua, a lung hei lona ding un, achutiloleh a la hi’dam kha ding ka hi,” a ti kit gual in.

JOHAN 12:40 ပူးပေါင်းရင်းမြစ်များ

1 LENGTE 22:20

Lalpa chun, ‘Ahab chu Ramoth-gilead ah a chia to ah a va kipûk theina dingin kua’n vazawl pûk ding a hem?’ a tia. Mi pakhat in thu khat a gen ah, mi dang khat inle thu dang khat a gen kit a;

SAM 147:3

Thinlung thasete a sudam ah, a liamnateu a tuam piak hi.

SAM 41:4

Ke’n vang, “Aw Lalpa, ei hepi inla, ei damsak ta’n; la chung ah thil ka la hikhial ta ngal a,” ka ti’n.

SAM 6:2

Aw Lalpa, ka chung ah ja’ngai in, ka chautha ta’ngal ah; Aw Lalpa, ei hidam in, ka gu zosia lau in a kithing ta’ngal in.

PAWTDAWNA THU 10:1

Ziaphatchun, Mosi kiang in Lalpa’n, “Zia ka thilmak bawlte hi a âng ua ka tâklat theina ding in, Pharaoh kiang ah chia in; ama tawh a miliante lungthim la ka hi’tâk ta’ngal in:

PAWTDAWNA THU 11:10

Mosi tawh Aron in zia thilmak zosia chu Pharaoh ma-âng in a bawl tau a; himaleh, Lalpa chun Pharaoh lungthim a hikhau ah, a gam ah kipat in Israelte chu a pawt dawsak nuam diak puai.

PAWTDAWNA THU 14:17

Ziaphat chuleh, Aiguptate lungthim chu hun hikhau ing ka tin, amau chun hun del zui intin uh; chuleh, Pharaoh tawh a sakol kângtalai hotute, a sepai zosiate leh a sakol sepaite zosia chung ah chun keima’n choisânna ka chan theina dingin.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 14:8

Lalpa chun Aigupta Lengpa Pharaoh lungthim chu a hikhau ah, Israelte hangsan tak ah pawtte chu a del zuisak tai.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 7:13

Lalpa’n a la gensa gual khan, Pharaoh lungthim chu hikhau ah a um nâk lai ziakin amau chu a limsak nai diak puai.

PAWTDAWNA THU 7:3

Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 6:10

Zia mipite ngaituana hi hi’chau inla, a nakhang uh le hi’ngong inla, a mit uh le hi’thûm piak in; achutiloleh, a mit un mu’n tin uh, a bil un ngaitha’n tin uh, a ngaituanau in hechian in, hung kihei kit in, sukdam in um kha’n au,’ ti’n vagen in,” a ti’n.

ISAI 6:9

Ama’n ka kiang in, “Chia inla, zia mipite kiang ah hin zia gual hin vagen in, ei ti’n: ‘Ngai zing unla, hechian kiu in; en zing unla, muchian kiu in.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

EZEKIEL 12:2

Mihing, thunung lo Inkuante, mit nei ngal ah muthei lo leh, bil nei ngal ah hetheilote lak ah chêng la hi;

EZEKIEL 14:9

Chuleh, jawlnei pakhat chu thep zaw a um ah, thu a gen chun, Keima, Lalpa hin zia jawlnei chu ka thep zaw hi’ntin, ama do in ka khut lâm ing ka tin, ka mipite lak ah kipat paitha ding ka hi.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MARKA 4:12

achutiloleh, ‘En maleu, a muchian lona ding un; bil in he maleu, a het thiam lona ding un; achutiloleh, hung kihei kit intiu in, ngaidam hi kha’n au,’ ” a tia.

MARKA 6:52

A lung uh a ngong ziakin, vaithum thu kha le a ngaitua pha ta puau hi.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

LUKA 8:10

Ama chun, nanghaw â ding ah Pathian gam thugûk chu het ding phal ahi’n; midangte â dingin vang tekhinthu ah gen ahi: Mu zing ngal ah, a mulo ua, hezing ngal ah, a hiatthiam lona ding un, ti in.

JOHAN 12:39

Ziaziakchun ahi, a taksan theilo uh, Isai in a gen kit a:

JOHAN 9:39

Jesu’n a kiang in, “Zia khawvel ah hin vaihawm ding ah hung ka hi, mitthûmte chun mitvakna a neina ding uh leh, mitvâkte chu a mit uh a thûmna dingin,” a tia.

NASEPTE 15:3

Tichun, kochuamte chun a hung thadok ua, Phoinikia gam leh Samaria gam a hun chuan malam ua, Jentelte lung kihei dan a gen malam pek tau a; unaute zosia chu nasa tak in a kipaksak tau hi.

NASEPTE 28:26

Zia mite kiang ah hin chia’n la, a kiang un: Het chu hia’n la tiu in, himaleh, hethiam thei pua’n lau, mu chu mu’n la tiu in, himaleh, muchian tak tak diak pua’n lau.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

DAN LEKHABU 29:4

Himaleh, Lalpa‘n tu’ni tiang hin ziate haw kha la hetchian theina ding uh lungthim leh, mu chian theina mit leh hettheina nakhangte a hun penai puai.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.