JOHAN 12:35 - PATHIAN LEKHABU THIANGTHO (BSI)

³⁵ Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 12:35 ပူးပေါင်းရင်းမြစ်များ

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

JEREMIAH 23:12

Ziaziakchun, a lampiteu chu, thim lak ah lamnâl gual hihen la, zia tak ah chun naw lut ah um in, kipuk sik sek tau hen; amau ka gawtna kum a tun phat leh, a chung un siatna hun tunsak ding ka hi’ngal a, Lalpa‘n a tii.

LUKA 18:37

Amau chun, “Nazareth Jesu chia ahi,” ti’n a hil un.

JOHAN 11:10

Himaleh, jan ah a chia chun, a kipal sek hi, amau ah chun vâk a umlo ziakin,” a tia.

JOHAN 11:9

Jesu’n a dawnhu, “Ni khat sung hin dakkal sawm leh ni a um hilo a hem? Sûn ah chiate chu kipal pua’n au, zia khawvel vâk hi a mu zing ziak un.

JOHAN 12:36

Vâk la lak ua a um sung hin vâk hi gingcha tau in, vâk chate la hung hitheina ding un,” a tia. Jesu’n zia thu chu a gen zaw chun a chia mang ah, amau lak ah kipat chun a kisêl mang tai.

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

JOHAN 16:16

Chomkhat sung nang un ei mu ta pua’n lau; chuleh, chomkhat zaw leh ei mu kit in lau, a tia.

JOHAN 7:33

Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

2 KORINTH 3:14

Himaleh, a lungthimteu chu a suktâk ua. Tu’ni tiang hin thuthung lui a sim phat ua leh mai khû’na chu a hawk ngai puau in, zia mai khû’na chu Khrista bep ah sukbei ahi.

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.