JOHAN 12:34 - PATHIAN LEKHABU THIANGTHO (BSI)

³⁴ Mipite chun a hun dawnhuu ah, “Dan Lekhabu ah khan Messiah chu kum tuang ah um ding ahi ti ka hiau a; aleh, nang in bangtidan ah Mihing Chapa hi khaikâng ah um ding ahi, la ti’thei a hem? Zia Mihing Chapa hi kua a hem?” a tiu a.

JOHAN 12:34 ပူးပေါင်းရင်းမြစ်များ

2 SAMUEL 7:13

Ama chun ka In ding ei sak piak intin; tichun, a lenggam lalchutpha chu kumtuang dai dingin sukdet piak ing ka.

SAM 110:4

Lalpa‘n thu a tiam ta’n, a lungthim theng kit ta pua’n a; “Nang vang Melkisedek gual ah, Kumtuang thiampu chu la hi,” ti in.

SAM 72:7

Thapi a bei masia, ama damsung in dikna leh, chamna’n a gam lua dim hen.

ISAI 53:8

Thudik ah vaihawm lona ziakin, pâmpai in a la um tai. A tu’nung thu ding kua’n a gêl sâm awm? Mihingte gam ah kipat sukmanthai in a um ta’n, ka mipite bawlkhialna ziakin, ama chu khet liam ah um ahi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

MATTHAI 16:13

Jesu chu Kaisaria Philippi gam a hung tun phatin, a nungzuite kiang in, “Mihing Chapa hi mite’n kua ahi ei tiu em?” ti’n a dong a.

MATTHAI 21:10

Jerusalem khua a lut phatin, khawpi sung ah mite chu a la so veng vung ua, zia mi hi kua ahia hem? a tiu a.

MATTHAI 8:20

Jesu’n a kiang in, “Si-alte’n kua a nei un, chunglêng vachate’n le bu a nei ui. Mihing Chapa hin vang lu ngakna ding a nei puai,” a tia.

JOHAN 10:34

Jesu’n a dawnhu, “La Dan Lekhabuu ah, ‘pathiante la hiu ka ti ahi,’ ti zik hilo a hem?

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

JOHAN 15:25

A ziak umlo in ei huau hi, ti ah Dan Lekhabu a la kizik kha a guitunna dingin zia thilte hi tung ahi.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

ROMTE 3:19

Kam zosia a thip ah, khawvel zosia hi Pathian ma ah gilo a hung hitheina ding un, dan kigente zosia hi dan nuai ah umte kiang ah gen a hisek hi ti, I hiau hi.

ROMTE 5:18

Tichun, mi pakhat thu awi lona ziakin mi zosia chung in thiamlo channa vaihawmna chu a tung ta’n; zia gual ma chun mi pakhat dikna ziakin, mi zosia’n hinna lutna thiamchanna a neitheina ding un thilthawnpiak pakhat chu a hung um ta ahi.

HEBRAITE 7:24

himaleh, ama’n vang kumtuang ah um zing ahiziak in, a thiampu hi’na chule danglam talo ahi.