JOHAN 12:31 - PATHIAN LEKHABU THIANGTHO (BSI)

³¹ Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

JOHAN 12:31 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

ISAI 49:24

Mihat khut ah kipat in kua’n a sa matsa, a chûdaw piak zo em? Lal gilo tak sal matsa, kua’n a hukdok kit thei awm?

MATTHAI 12:28

Ahi’n, Pathian Thagau ziak ah thithate nawdok ka hi’ziak in, Pathian Lal gam chu la chung un a hung tung ta ahi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

JOHAN 9:39

Jesu’n a kiang in, “Zia khawvel ah hin vaihawm ding ah hung ka hi, mitthûmte chun mitvakna a neina ding uh leh, mitvâkte chu a mit uh a thûmna dingin,” a tia.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

1 KORINTH 1:20

Aleh, mipil chu khoi ah um a hem? Lekha zikpa chu khoi ah um a hem? Zia khawvel ah mi nial hat chu khoi ah um a hem? Pathian in khawvel pilna hi thil ngolhuai a chansak ta hilo a hem?

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

EPHESA 6:12

Taksa leh thisan ah mêlmate tawh kibuan I hi puau ah, lalnate, thuneinate leh zia khawvel thim chung ah vaihawmte tawh, van mun ah thagau gilote tawh kibuan I hizaw ngal un.

KOLOSSA 2:15

Thuneina leh thilhitheinate chu liptha’n, kros ah chun ziate chu zo in kilang tak in a etsak tai.

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.