JOHAN 12:20 - PATHIAN LEKHABU THIANGTHO (BSI)

²⁰ Zia Kûtna Pathian ho ding ah hungte lak ah chun, Grik mi lawi khatle a hung pang un.

JOHAN 12:20 ပူးပေါင်းရင်းမြစ်များ

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

MARKA 7:26

Numei chu Jentel mi a hia, pianna lam ah chun Sirophoiniki mi ahi. Ama chun a chanu sung ah kipat thitha buak nawdok dingin a hung don a.

JOHAN 12:1

Chiakân Kût hun ding ni guk masang chun, Jesu chu Lazar, a thisa a kaithaw kitna Bethani khua khan a hung kit a.

JOHAN 12:19

Pharisaite chu a kiho ua, “En un, bangma la law theilo uh hi; en tiam un, khawvel ah mite’n a nung a zui tau hi,” a tiu a.

JOHAN 7:35

Ziaphatchun, Judate chu a kiho ua, I mu tâk lona ding ua chu khoi ah chia ding a diam? Aleh, Jentel kithe’jakte lak ah thugen ah chia ding ahi diam?

NASEPTE 14:1

Ikoniam ah Judate Sunagog ah chun Paul leh Barnaba a lut ua, thu a gen ua leh, Judate leh Grikte lak ah tam tak inle a ging tau a.

NASEPTE 16:1

Paul in Derbi leh Lustra khuate hile a hun chuan a; zia tak ah chun nungzui pakhat Timothi kiti a la um ah, ama chu a pa Grik mi, a nu chu gingtu pha tak khat Juda mi ahi.

NASEPTE 17:4

A lak ua khenkhatte chun a ging un, Paul leh Sila chu a zui tau a; ziate lak ah chun Grik mi kipezo tak takte leh numei lak ah mala thei ngenle tam tak a pang ui.

NASEPTE 20:21

Juda mi leh Grik mi kuama khenchuam lo in, Pathian lam ah la lung hei theina diu ngaitua ziakin, I Lalpau Jesu ah chun ginna nga det zawn la lak un na ka sêm a.

NASEPTE 21:28

a kiko ua, “Israel mite haw, ei panpiu in! Zia pa hin muntin ah I mipiteu, I danteu leh zia mun nangawn hile kãl ah thu gen sek chu ahi. Zia lo chunle, tempul sung ah hin Grik mite hung pui lût in, zia mun thiangtho hi a hi’buak ta ahi,” a tiu a.

NASEPTE 8:27

Tichun a kipan ah, a chia ah; zia lampi chun, Ethiopia lengnu Kandaki nuai ah nasem mi lal tak khat, Ethiopia mi kiget, lengnu vaihawmna a go zosia enkolpa chu, Jerusalem ah Pathian ho ding ah hung,

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

ROMTE 10:12

Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.

GALATIA 2:3

Himaleh, Tita ka kiang ah um chule Grik mi himaleh, zektansak tei tei ahi puai.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.