JOHAN 12:16 - PATHIAN LEKHABU THIANGTHO (BSI)

¹⁶ Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 12:16 ပူးပေါင်းရင်းမြစ်များ

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

MARKA 9:32

A thugen chu a umzia a hepuau ah; himaleh, ama a dong ngam diak puau hi.

LUKA 18:34

Amau ah zia thute chu a kisêl nâk lai ziakin, a ngaina a hepuau ah; a gente chu a hethiam thei him him puau hi.

LUKA 24:25

Ziaphatchun, ama chun, “Aw mi ngolte haw, jawlneite thugen zosia taksanna lam ah ngongte haw!

LUKA 24:45

Ziaphatchun, Pathian Lekhathu chu a hiat thiam theina ding un a lungthim uh chu a sukvak piak tai.

LUKA 9:45

Himaleh, a thugen chu a ngaina a hepuau ah, a het theilona ding ua kisêl ahi’n; himaleh, zia thu chu ama dot ding chu a lau ngal un.

JOHAN 12:23

Jesu’n a la dawnhu ah, “Mihing Chapa hi chawihoi ah a um hun hung tung ding ei tai.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 2:22

Ziaziakchun, mithi lak ah kipat a thawkit phatin, zia chu a la genna ahi, ti a nungzuite’n a hun hedok kit tau a; chuleh, Pathian Lekha thu leh Jesu thugen chu a taksang tau ahi.

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.

NASEPTE 2:36

“Israel Insung ah mi zosia’n zia hi he tau hen: Zia Jesu ngei, la khetden uh kha, Pathian in ama chu Lalpa leh Messiah in a siam tai,” ti in.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 8:1

Tu’hin, thil I gen zosia ah a thupi chu zia hi ahi: Van ah Chungnung pen lalchutpha changlam ah kichu thiampu lianpen chu I nei ui;