JOHAN 12:15 - PATHIAN LEKHABU THIANGTHO (BSI)

¹⁵ “Lau kin, Zion chanu! En in la Lal chu, sabiltungno chung ah chuang in a hung hi,” ti kizik gual khan.

JOHAN 12:15 ပူးပေါင်းရင်းမြစ်များ

2 SAMUEL 15:1

Zia nung ah chun, Absalom in sakol kângtalai leh sakolte chu a kiguanggal ah, a ma-âng ah tai dingin mi sawmnga le a guanggal a.

2 SAMUEL 16:2

Lengpa chun Ziba kiang in, “Bang ding ah zia haw hi la hun puak a hem?” ti’n a dong ah. Ziba chun, “Zia sabiltungte hi lengpa Inkuante chuanna ding, vaithum leh theiga minthakte hi tangvalte nêk ding, chuleh, zia uain hi gamthip ah a chau taphot dawn ding ka ti ahi,” ti’n a dawnhu tai.

1 LENGTE 1:33

lengpa chun a kiang un, “Lengpa suakte pui unla, ka chapa Solomon chu ka sabiltung chung ah chutsak unla, Gihon ah pui suk un.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

MIKAH 4:8

Aw nang, gan-gual chinna Insâng, Zion chanu mualvum ngei chu, la kiang hung tung intin, lenggam masa kha hung tung in a, Jerusalem chanu lalna ngai kha hung tung in a.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 21:5

Zion chanu kiang in: En in, la lengpa chu kingaitawm tak in, sabiltung chung ah chuang in, sabiltungno ngei chung ah chuang in, a hung hi, ti’n la hil un, ti thu kha, a tia.

JOHAN 12:14

Jesu’n sabiltungno a mu’n a chung ah a chuang a:

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

VAIHAWMTE 12:14

Ama’n chapa sawmli leh tupa sawmthum a nei ah; a chuanna ding uh sabiltung sawmsagi a nei ui; ama’n Israelte chung in kum giat vai a hawm hi.

VAIHAWMTE 5:10

Nanghaw sabiltung kâng chung ah chuangte haw, nanghaw puanpha sâ tak chung ah kichute leh, lampi chiate haw, ngaitua tiam un.