JOHAN 11:52 - PATHIAN LEKHABU THIANGTHO (BSI)

⁵² zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

JOHAN 11:52 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 22:15

Ka kam hi bêlhal gual in a keugawp ta’n, ka lei le ka khadang in a bek den ta’n; thi’na leivui lak in lei lupsak ta ahi.

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

ISAI 49:18

Hung khawdak inla, hun en vêl tiam in; a kikai khawm un, la kiang a hung tung tau hi. Lalpa chun, “Ka hin ziakin, ziate chu kicheina’n mang in la tin, mo kicheina gual in amau chu, kivanna’n mang in la,” a tii.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 55:5

Ngai un, la hetngai lo namte chu hun ko in la tiu in, Lalpa la Pathian, Israelte Mithiangtho chun, a hun chawihoi tâk ziakin, nangma hun he’kha ngai lo namte chunle, hun zuan ta’n au.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

ISAI 60:4

Hung khawdak inla en tiam in; a hung kipâ khawm un, la kiang in a hung khawm ui; la chapate chu khual gamla tak ah kipat hung intiu in, la chanute chule amau donte chun hun pai in au.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

LUKA 15:8

Numei kua a hem khat in dangka thik sawm nei hen la, a lak ah pakhat mansua taleh, thaumei vak in, munphiat in, a mu kit masia gunchu tak ah hawl lo ding kua a hem um?

LUKA 2:32

vâk, Jentelte salvâk ding leh, la mi Israelte lopina ding chu,” a tia.

JOHAN 1:12

Himaleh, ama a la lop ah, a min gingte chu Pathian chate hitheina a piai.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

NASEPTE 18:10

keima la kiang in ka um ah, kuama’n bangma hun law pua’n au; zia khawpi hin mi tam tak ka nei hi,” a tia.

ROMTE 3:29

Aleh, Pathian chu Judate Pathian bep ahi diam? Jentelte Pathian le hilo a hem? ahi, Jentelte Pathian le ahi.

ROMTE 4:17

Pathian lekha thu ah, “Nam tam takte pa hiding in ka hun siam tai,” a ti gual ah khan; a gin Pathian chun mithi a kaithaw ma pek a khanle, thil umlo te chu a um gual in a la gen thei ta ahi.

EPHESA 1:5

Ama chun a doi leh tup gual tak in, ei uh hi Jesu Khrista vang ah a chate hiding in, hepina ziakin ei la guatlawk tai.

EPHESA 3:11

Khrista Jesu, I Lalpau ah sep a guat, a kumtuang lemguat dungzui ah chun;

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

1 PETER 1:1

Jesu Khrista nungzui Peter in, Pontas, Galatia, Kappadokia, Asia leh Bithunia gam ah kithejakte,

1 JOHAN 2:2

Ama chu I gitlonateu thupha choina ahi; eimau gitlona bep hilo in, khawvel pumpi gitlona thupha choina le ahi.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;