JOHAN 11:11 - PATHIAN LEKHABU THIANGTHO (BSI)

¹¹ Zia thute chu a gen zaw in, a kiang un, “I gualpau Lazar kha a ipmu tai; a ipmu kaitho dingin chia ding ka hi,” a tia.

JOHAN 11:11 ပူးပေါင်းရင်းမြစ်များ

2 LENGTE 4:31

Gehazi chu a ma-âng un a la chia pek ah, naupang mai chung in a tiangkhut chu a zam ta’n; himaleh, husa leh a hin hiattheina bangma a um puai. Ama lamtua dingin a hung nungkit ah, a kiang in, “Naupang chun khua a henai diak puai,” a tia.

2 KHANGTHU 20:7

Aw ka Pathian uh, nang in zia gam ah a la chêngsate chu la mipi Israelte ma-âng ah nawdaw piak in, la gualpa Abraham suan leh pakte’n kumkhua a lua ding ua la piak hilo a hem?

PAWTDAWNA THU 33:11

Chutichun, mi pakhat in a lawipa a kihopi gual mai in Lalpa’n Mosi chu kimaitua in a kihopi a. Zia zaw chuleh, giabûk lam ah chun a hung kit sek a; himaleh, ama kithuapi Nun chapa tangval Joshua chu biakbûk ah kipat chun a hung pawtdok ngai puai.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

MATTHAI 27:52

chuleh, thânte chu a hung kihong ah; mithiangtho tam tak a la ipmu sate taksa chu a hung thokit tau a.

MATTHAI 9:24

“Pawtdok un, naupang chu a thi puai, a i-mu ahi zawi,” a tia. Amau haw chun a nuisan un.

MARKA 5:39

A hung lut phat chun a kiang un, “Bangatia chuti buai ah, kap veng vung la hiu em? Zia naupang hi a thi ahi puai, a ipmu ahi zawi,” a tia.

JOHAN 11:10

Himaleh, jan ah a chia chun, a kipal sek hi, amau ah chun vâk a umlo ziakin,” a tia.

JOHAN 11:12

Ziaphatchun, a nungzuite chun, “Lalpa, a ipmu ahileh, a pha lam hita’n a” a tiu a.

JOHAN 11:13

Himaleh, Jesu chun a thi thu a gen ahi zaw ngal ah; amau chun a ipmu chawldam mai mai hiding in a gingchau a.

JOHAN 11:3

Chun, a suapinute chun, a kiang in mi a hun sawl ua, “Lalpa, hung en tia, la hepi kha a dam puai,” a hung tiu a.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

1 KORINTH 15:18

Chun, Khrista ah a la thite kha le a mangthai hita’n au.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

1 KORINTH 15:51

Ngai un, thugûk hun hil ding ka hi! I leng un thi khel puai tiu;

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

1 THESSALONITE 5:10

Hak in, ipmu leu hingle, ama tawh I hin khawm theina ding un ama chu I thasâng un a thi tai.

JAKOB 2:23

“Abraham in Pathian a ging ah, zia chu ama â dingin dikna ah ngai ahi,” ti Pathian Lekhathu chu sukbukim ahi tai; tichun, ama chu Pathian gualpa sak in a um tai.