JOHAN 10:31 - PATHIAN LEKHABU THIANGTHO (BSI)

³¹ Ziaphatchun, Judate chun ama se ding gua’n suang a hun lau a.

JOHAN 10:31 ပူးပေါင်းရင်းမြစ်များ

PAWTDAWNA THU 17:4

Tichun, Mosi chunle Lalpa a ko ta’n, “Zia mipite hi bang law ding ka hi tam? Suang ah ei seplum dingsa’n a um ziang tau hilam?” a tia.

MATTHAI 12:14

Ziazaw chun, Pharisaite a pawt ua, ama a tha theina ding uh ngaitua in a kiho-khawm tau a.

MATTHAI 21:35

Himaleh, a lou bawlte chun a suakte chu a la man ua, pakhat chu a vuau ah, a dang pakhat chu a that ua, a dang pakhat ma chu suang in a la sep tau a.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

JOHAN 1:19

Judate’n, “Kua la hem,” ti ah vadong ding ah Jerusalem khua kipat, a kiang ah thiampute leh Levite a sawl lai ua khan, Johan thu hiatsak chu zia hi ahi:

JOHAN 10:24

A kîmvêl ah chun Judate a hung khawm un, a kiang in, “Bang chan a hem lung vânglak tak ah lei koi ding? Messiah chu la hileh kichian tak in ei gen ta’n la,” a hung tiu a.

JOHAN 10:32

Himaleh, Jesu’n, “Ka Pa ah kipat in nasep pha tam tak ka hun etsak tai. Bang pen ziak ah chu suang ah ei se gua la hiu em?” a tia.

JOHAN 11:8

A nungzuite chun, a kiang in, “Hotupa, tu’ma deu khan Judate’n suang ah hun se a guau ah, tu’hin chia kit ding la ti a hem?” a tiu a.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

JOHAN 8:59

Ziaphatchun, suang ah se ding gua’n suang a luak tau a; himaleh, Jesu chu a kisêl ah, tempul ah kipat chun a pawtdok tai.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.