JOHAN 10:3 - PATHIAN LEKHABU THIANGTHO (BSI)

³ Ama chu a kotkhak vêngpa chun kot a hon piak ah; a belamte’n le a aw a hiau ah; ama belamte chu a min un a ko chiat ah, a puidok sek hi.

JOHAN 10:3 ပူးပေါင်းရင်းမြစ်များ

SAM 80:1

Aw, Israelte vengpa, belam hon gual ah Josephte puipa, la bil hun daw in! Nangma cherubte chung ah kichupa, hung vakdok inla,

PAWTDAWNA THU 33:17

Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.

THUPILTE 27:23

La belam honte umdan chu hetchian guan la, la bawng honte chule vengpha’n;

SOLOMON LÂ 8:13

Nang huan ah chêng, ka lawite’n la aw a ngaitha nuam ui; ei hun ngaithâksak ta’n la!

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

JOHAN 10:14

Keima hi belampu pha chu ka hi; ka belamte chu ka hia’n, kei â te chunle keima ei hiau hi.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 10:4

A belamte chu a puidaw suak tak leh, a ma-âng un a chia in, a belamte chun a aw a het ziak un a zui sek ui.

JOHAN 10:9

Keima hi kotkhak chu ka hi. Keima ah hung lut chu bit intin, lut in pawt intin, nêk dingle mu’n a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:45

Jawlneite Lekhabu khan, ‘Amau haw chu Pathian hil in um in au,’ ti’n zik ahi. Ziaziakchun, mitin Pa thu he ah, zil taphot chu ka kiang in a hung sek ui.

ROMTE 8:30

Chun, a guatlawkte chu a ko ah; a kote chu thiam a chansak ah; chun, thiam a chansakte chu a chawihoi sek hi.

1 KORINTH 16:9

Phachuam tak ah sepna ding kotkhak lian tak hon piak in ka um ngal ah; a dâlte le chu a tam ui.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

KOLOSSA 4:3

Chuleh, suangkul ah ka tân lawna pen, Khrista thugûk chu ka taklat ding gual ah kichian tak ah ka taklat theina ding ah,

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

3 JOHAN 1:14

Zia sâng ah chun, hun mu kin-gang ka kinem ah, kimaitua in kiho hi ti.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.