JOHAN 10:28 - PATHIAN LEKHABU THIANGTHO (BSI)

²⁸ Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 10:28 ပူးပေါင်းရင်းမြစ်များ

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

SAM 31:5

La khut in ka thagau ka hun vopsak hi; Aw Lalpa, Pathian ginum, nang in lei hukdok tai.

SAM 37:28

Lalpa‘n vaihawmna dik a ngaina ngal a; a mi ginumte nusia ngai pua’n a. Midik chu kumtuang ah vop phatin um intin, mi nunsia suan leh pâkte vang chu mangthai in au.

THUPILTE 24:16

midikte chu sagivei kipuk ziang maleu le, thodok kit intiu in; migilote chu vang siatna’n a hi’mangthai sek hi.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

ISAI 27:3

Keima Lalpa hi a enkolpa ka hi’n, chawlnga lo in tui ka buak hi. Kuama’n a hi’siat lona ding un, sun leh jan in ka vêng hi.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

JEREMIAH 23:4

Amau pha tak cha enkol ding, belampute hun tung ding ing ka; tichun, lau ta pua’n tiu in, beidong diak talo in, a lak ua mangthai le um ta pua’n au, Lalpa‘n a tii.

JEREMIAH 31:3

gamla tak ah kipat in Lalpa a hung kilang tai. Kumtuang hepina’n ka hun hepi la hi; ziaziakchun, la chung in ka gin um zing ahi.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 32:40

Amau â ding ah thilpha bawl ding thul lo ah ka bawl piak zing theina dingin, a kiang un kumkhaw thuthung siam ding ka hi; keima ei nutsia kit lona ding un, a lungthim un kilausak ding ka hi tai.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

LUKA 23:46

Zia hun ah chun Jesu chu aw ngai tak in a hung kiko a, “He Pa, la khut in ka thagau ka hun vopsak hi,” a tia. Zia chu a gen zaw in a thagau a tha tai.

JOHAN 10:29

Ka Pa, ka khut ah ei pepa chu mi zosia sâng ah lopi zaw ahi; ama khut ah kipat chun kuama’n lâkpiak thei pua’n au.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 18:9

“Nang in lei piakte lak ah pakhat chale ka mansua puai,” tia a gen kha a guitunna ding in.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.

JOHAN 6:68

Simon Peter in a hun dawnhu ah, “Lalpa, kua kiang ah chia ding ka hiu em? Nang in kumtuang hinna thute chu la nei hi.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

ROMTE 5:17

Mi pakhat sukkhialna ziakin, mi pakhat chung ah khan thina’n vai a hawm chun, hepina nasa tak leh dikna thilthawnpiak la changte khan, mi pakhat Jesu Khrista jal ah hin hinna chun vaihawm piak ngei in a.

ROMTE 5:2

Ama ziak ma in, zia lungsiatna I din detnau ah hin I lut tau in, Pathian lopina kinepna chun kipak tak in I um ui.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

ROMTE 5:9

Chutichun, a thisan ah thiamchansak I hi’tâk nung un, ama ziak man Pathian lungnatna kipat in hukhin in um ngei hitiu.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

DAN LEKHABU 33:3

Nam zosia lak ah doisakna changte, a mithiangtho zosia chu la khut in a um un; la zanung a chuan zui un, la thupiak a ngai chiat ui.

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

1 JOHAN 1:2

Zia kumtuang hinna, Pa kiang ah um leh kei uh kiang ah latsak ah um ta chu la kiang un ka tâklang tau hi:

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

1 JOHAN 2:25

Ama’n ei tiam piak chu kumtuang hinna hi ahi.

1 JOHAN 5:11

Hiatsakna chu zia hi ahi: Pathian in kumtuang hinna ei pia ta’n, zia hinna chu a Chapa ah um ahi.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.