JOHAN 10:27 - PATHIAN LEKHABU THIANGTHO (BSI)

²⁷ Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 10:27 ပူးပေါင်းရင်းမြစ်များ

1 LENGTE 18:21

Ziaphatchun, Elijah in mipi zosia chu a hun nai ah, “Lung vânglak tak ah bang chan chawm lumlet ding la hiu em? Lalpa chu Pathian ahileh, ama zui unla; Baal chu ahi zawk leh le zui tau in,” a tia. Mipite chun kam khat inle a dawnhu puau hi.

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 25:12

Himaleh, ama chun, titakzet in ka hil la hiu, nanghaw ka hun he’kha puai, a la ti san tai.

MATTHAI 7:23

Himaleh, keima’n a kiang un, “Nang uh thil gilo hi’te haw, ka hun hekha ngai puai, ka kiang ah kipat chia mang un,” a la ti ta’ng ka.

MARKA 10:21

Jesu’n ama chu a en ah, a hepi ma ma ah, a kiang in, “Hi’ding pakhat la nei nalai hi; chia inla, la nei zosia vazuak inla, gentheite kiang in pia’n; tichun, van ah go nei in la tin; chuleh, hung inla, ei zui in,” a tia.

MARKA 8:34

Tichun, mipite leh a nungzuite chu a ko khawm ah, a kiang un, “Kua’nle ka nung a zui nop chun, ama kihemil in, ama kros kiput in ei zui hen.

LUKA 13:27

Himaleh, ama chun, ‘Ka hil la hiu, khoilam mi la hiu ka he puai; chia mang tau in, nanghaw thil phalo bawlte haw, ei nusia tau in’ hun ti ta’n a.

LUKA 9:23

Ama chun a leng ua kiang in, “Kua’nle ei zui a nop chun, ama leh ama kihemil in, nisi’n ama kros kiput in ei zui hen.

JOHAN 10:14

Keima hi belampu pha chu ka hi; ka belamte chu ka hia’n, kei â te chunle keima ei hiau hi.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 10:8

Ka malam ah hungte zosia kha gucha leh suammang a hiu in; belamte’nle a thuu a la ngai puau hi.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 21:22

Jesu’n a kiang in, “Ama chu ka hung kit masia a la um ding ti lengle, nang in bang ding la tia a hem? Nang in ei zui ziang in,” a tia.

JOHAN 5:25

Titakzet in ka hil la hiu, a hun tung ding ahi tai, a tung male a hiziang tai; ziaphat chuleh, mithite chun Pathian Chapa aw hia’n tiu in, a hete zosia chu hing in au.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

JOHAN 8:43

Bangatia, ka thugen hi hethiam theilo la hiu em? Ka thugen la pom lo ziak uh ahi.

NASEPTE 3:23

Chuleh, kuale zia jawlnei thugen ngaisak lo taphot chu, mipite lak ah kipat in hi’mangthai dim dem ah um ding a hiu, a ti ta kha.

1 KORINTH 8:3

Min Pathian a hepi chun ama ngei chu het in a um zaw ahi.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

HEBRAITE 3:7

Ziaziakchun, Thagau Thiangtho in; “Tu’ni hin a aw la het ua leh,

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.