JOHAN 1:45 - PATHIAN LEKHABU THIANGTHO (BSI)

⁴⁵ Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.

JOHAN 1:45 ပူးပေါင်းရင်းမြစ်များ

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

ISAI 4:2

Zia hun chuleh, Lalpa bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

ZEKARIAH 6:12

a kiang in: Sepai honte Lalpa chun zia gual hin a gen hi: Zia tak ah hin mi pakhat, a min a Bâk kiti a um hi; a umna mun ah chun hung seldok intin, Lalpa tempul ding hun sa ngal ding ahi ziakin.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 10:3

Philip leh Bartholomai leh Thoma tawh sedawlpa Matthai tawh, Alphâi chapa Jakob tawh, Thaddai tawh;

MATTHAI 13:55

Zia hi thingbawl thiampa chapa kha hilo a hem? A nu le Mari kiti kha hilo a hem? Chuleh, a suapite le Jakob, Joseph Simon leh Juda kitite kha hilo a hiu em?

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

MATTHAI 21:11

Mipite chun, zia hi Galili gam ah Nazareth khua Jawlnei Jesu ahi, a tiu a.

MARKA 14:67

Peter mei-awi chu a mu phât in a vak en a, “Nangle Nazareth Jesu lawite hilo la hem?” a tia.

MARKA 6:3

Thingbawl thiampa leh Mari chapa Jakob, Josia, Juda leh Simon suapipa kha hilo a hem? A suapinute le zia hi um hilo a hiu em?” a tiu a, a lung uh a dam ta puai.

LUKA 18:37

Amau chun, “Nazareth Jesu chia ahi,” ti’n a hil un.

LUKA 2:4

Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.

LUKA 2:48

A vamudaw phat un mak a sa ma mau ah; a nu chun a kiang in, “Ka chapa, bang a tia zia gual ah hi ei bawl la hem? La pa tawh thavai tak in ka hun hawl uh ei ve!” a tia.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

LUKA 3:23

Jesu’n na a hun sep pat lai ah chun, ama chu kum sawmthum vêl mi a hita’n; mi ngai in ama chu Joseph chapa ahi’n, ama chu Heli chapa ahi’n;

LUKA 4:22

A leng un ama a pakchau ah, a kamsuak hepina thute chu mak a sau a, “Zia pa hi Joseph chapa hilo a hem?” a tiu a.

JOHAN 1:44

Philip chu Bethsaida khua um ahi’n, zia chu Peter leh Andria umna khua ma ahi.

JOHAN 12:21

Ziate chu Galili gam ah Bethsaida khua um Philip kiang in a hung un, “He pu, Jesu mu ka nuam ui,” a hung tiu a.

JOHAN 14:8

Philip chun a kiang in, “Lalpa Pa chu kei uh le ei musak lechin lungawi ing kau,” a tia.

JOHAN 18:5

Amau chun, “Nazareth Jesu,” ti’n a dawnhuu a. Jesu’n a kiang un, “Keima hi ka hi,” a tia. A matsakpa Juda chule a lak un a ding a.

JOHAN 18:7

Ziazaw chun, ama’n a dong kit a, “Kua hawl la hiu em?” a tia. Amau chun, “Nazareth Jesu,” a hun ti kit ua.

JOHAN 19:19

Pilat chun lekha khat a zik ah, kros chung in a tâk ah, zia lekha kizik chu, “Nazareth Jesu, Judate Lengpa,” ti ahi.

JOHAN 21:2

Simon Peter, Thoma (Diduma) piangkop kiti kha, Galili gam Kana khua um Nathanael kha tawh, Zebedai chate pani tawh mun khat in a um khawm un.

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

JOHAN 6:5

Jesu a hung dâkdaw leh, mipi tam tak hung khawmte chu a mu’n; Philip kiang in, “Ziate haw nêk ding hi vaithum khoi tak ah I vachaw ta diam uh?” a tia.

JOHAN 6:7

Philip chun a dawnhu a, “Tha guk law in kichaw leh le, neucha chiat ah chan dinginle kiting diak pua’n a,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

NASEPTE 22:8

Keima’n, Lalpa, kua la hem? ti’n ka dong a. Ama chun, Nazareth Jesu, la sukgenthei hi ka hi, ei hun tia.

NASEPTE 26:9

Keima’nle Nazareth Jesu min kãl lam thil tampi bawl le ka la gua hen.

NASEPTE 3:6

Himaleh, Peter chun a kiang in, “Dangka leh sana ka nei puai; ahi’n la, ka neisun hun pia’ng ka: Nazareth Jesu Khrista min in dingdok in la, lam zawt ta’n,” a ti’n.