JOHAN 1:34 - PATHIAN LEKHABU THIANGTHO (BSI)

³⁴ Zia chu ama chung ngei ah ka mu tâk ziakin, ama hi Pathian Chapa ngei chu ahi ti ka hiatsak ahi,” a tia.

JOHAN 1:34 ပူးပေါင်းရင်းမြစ်များ

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 27:40

“Nang tempul susia ni thum sung ah tungding kit dingpa, nang leh nang kihukhing ta’n la; Pathian Chapa la hileh kros ah kipat chun hung kum in,” a tiu a.

MATTHAI 27:43

ama chun Pathian a ging ah, Pathian Chapa ka hile a tingal ah; a nop ahi chun tu’hin hun hukdok leh hiding a pom,” a tiu a.

MATTHAI 27:54

Sepai zahotu leh a kiang ah Jesu vêng ah umte chun, linlîng leh thil umdante chu a mu phât un a lau ma mau a: “Zia mi hi Pathian Chapa a la hi tak tak hi,” a tiu a.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MATTHAI 4:3

Thêmpa chu a hung ah, a kiang in, “Pathian Chapa la hileh zia suang hi vaithum suak dingin thu pia ta’n la,” a tia.

MATTHAI 4:6

“Pathian Chapa la hileh chawmtha’n, la chung thu ah hin, ‘A vansawlchakte chu thu pia’n tin, a khut un hun dom intiu in, chutichun, la keng in suang khat chale suikha pua’n la,’ ti zik gual ah khan,” a tia.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

MARKA 1:1

Pathian Chapa, Jesu Khrista chanchinpha kipatna;

MARKA 1:11

Van ah kipat chun aw a hung pawt a, “Nangma hi ka Chapa dawi tak, ka kipakna ma ma chu la hi,” a hun tia.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 11:27

Ama chun, a kiang in, “Taksang e Lalpa, nangma hi Messiah, Pathian Chapa, zia khawvel ah hung ding pa chu la hi ti ka taksang hi,” a tia.

JOHAN 19:7

Judate chun a dawnhuu a, “Dan pakhat ka nei ui, zia dungzui ah chun a thi ding ahi, Pathian Chapa ah a kigen ziakin,” a tiu a.

JOHAN 20:28

Thoma chun, “Ka Lalpa leh ka Pathian!” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 6:69

Nangma hi, Pathian Mithiangtho chu la hi ngei hi ti ka he tau in, ginle ka hun gingcha tau hi,” a tia.

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

2 KORINTH 1:19

A ziak chu, Pathian Chapa Jesu Khrista, keima leh Silvana leh Timothi in la kiang ua a thu ka gen uh chu, “Ahi,” ti tawh, “Ahi puai,” a ti gêl gêl pua’n, ama ah chun thil zosia chu, “Ahi,” ti ahi zing hi.

HEBRAITE 7:3

Ama chu nu neilo, pa neilo, suantu neilo, pian ni neilo, hin tawp ni le neilo; himaleh, Pathian Chapa gual ah siam, thiampu hizing ta ahi.

1 JOHAN 2:23

Kuale Chapa ging lo chun Pa chu a nei puai; Chapa ging taphot chun Pa le a nei hi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

1 JOHAN 4:9

Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

2 JOHAN 1:9

Kuale Khrista thuhilna ah um zing lo ah, zia chu a belap chun, Pathian a nei puai; kuale zia thuhilna chu a umzing chun Pa leh Chapa a nei gêl gêl hi.

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi: