JOHAN 1:29 - PATHIAN LEKHABU THIANGTHO (BSI)

²⁹ A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 1:29 ပူးပေါင်းရင်းမြစ်များ

PAWTDAWNA THU 28:38

Zia chu Aron chalpâng ah um intin, Israel chate thilpiak thiangtho zosia ah diklona um taphot chu Aron in a maw a puak ding ahi; zia chu Lalpa âng ah pawm tâk a hitheina dingin a chalpâng ah chun a um zing ding ahi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

THIAMPUTE LEKHABU 10:17

“Bang ding ah gitlo thoina sa chu mun thiangtho ah ne lo la hiu em? Zia hi thilzek pen, mipite gitlona pawmang ding ah Lalpa ma ah kichamna bawl piak ding ah nanghaw a hun piak ahi ngâl a.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

KISIMNA LEKHABU 18:1

Lalpa chun Aron kiang in: “Nangma tawh, la chapate tawh, la suan zosia’n mun thiangtho ah bawlkhialna maw zosia pua’n la tiu in; nangma tawh, la chapate bep in thiampu’na la sepnau ah bawlkhialna maw zosia chu la puak ding uh ahi.

KISIMNA LEKHABU 18:23

Levite’n kikhopna biakbûk na zosia sêm intiu in, a thiamlonau chu amau in a kipuak ding uh ahi; zia hi a khang a khang ah la suanteu tiang ah a chantum ding uh chu ahi. Israelte lak ah kipat in vang gam chan nei pua’n au;

KISIMNA LEKHABU 21:9

Tichun, Mosi’n sum-eng in gûl lim a siam ah, mol in a tâkdok a; bangtik hun ah le gûl in a chuk taphot in sum-eng ah gûl lim kisiam chu a et ua leh a damna ding un.

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

JOHAN 1:35

A jing ah chun Johan tawh nungzuite pani a hung ding kit un,

JOHAN 1:36

Jesu vâk vêl lai chu a la en un, ama chun, “En tiam un, Pathian Belamno saw!” a tia.

JOHAN 1:43

A jing ah chun Jesu chu Galili lam ah chia a gua’n, Philip a mu, a kiang in, “Ei zui in,” a tia.

JOHAN 2:1

Chun, ni thum ni chun, Galili gam ah Kana khua chun mo lawpna a um a; zia tak ah chun Jesu nule a um a.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 4:42

Chuleh, amau chun, numei kiang ah chun, “Tu’hin vang nang thugen ziak ah gingcha ka hita puau in, keimau ngei in a thu ka hiau ah, zia hi Messiah, khawvel hukhingpa chu ahi ngei hi ti ka he tau hi,” a tiu a.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

NASEPTE 13:39

zia Jesu ginna ziak ah chun, Mosi Dan in a tatdaw theilo chu a hung tandok ta ahi.

NASEPTE 8:32

Pathian lekha thu a simna chu zia hi ahi’n: “Ama chu belam gual ah tha ding ah pui in a um in; belamno a mulmêtpa ma’ a thip hiat hiat gual in, ama’nle a kam a ka puai.

1 KORINTH 15:3

Keima’n ka la mu chu thil poimaw masa pen gual in ka hun hilsawn la hiu, Khrista chu Pathian Lekha thu gen gual in, I gitlo ziak un a hung thi ta’n,

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 2:2

Ama chu I gitlonateu thupha choina ahi; eimau gitlona bep hilo in, khawvel pumpi gitlona thupha choina le ahi.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.

THUPUAN 14:10

ama chun Pathian lungnatna uain, bangma tawh hel lo, a lungnatna no ah kisung chu dawn intiu in, vansawlchâk thiangthote leh Belamno ma-âng in mei leh kât ah sukgenthei hi’n au.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 19:7

Lim leh kipak tak in ama chu chawihoi hitiu. Belamno mo nei hun a tung ta’n, a mo dingle a kisa zo tai,

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.

THUPUAN 21:14

Khawpi kulbâng chun suangphûm kingakna sawm leh ni a nei a, ziate ah chun sawlchâk sawm leh nite min a chuang a.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.

THUPUAN 6:1

Tichun, Belamno chun tepte’na pasagite lak ah pakhat chu a hun thap lai tak ka mu’n; ziaphatchun, thilhing palite lak ah pakhat chun, aw van git tawhbang in, “Hung inla, hung en in,” ei ti ka hia.

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.