JOHAN 1:18 - PATHIAN LEKHABU THIANGTHO (BSI)

¹⁸ Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 1:18 ပူးပေါင်းရင်းမြစ်များ

THILSIAM THU 16:13

Tichun, a kiang ah thugen Lalpa min ding ah chun, Elroi a sak ah: “Pathian chu ka mu tak tak ah, zia nung ah chunle hing leh dam ah um nalai ka hi maw!” a ti’n.

THILSIAM THU 18:33

Tichun, Lalpa chu Abraham tawh a kiho zaw phat un a chia ta’n: Abraham chule a umna lam in a chia kit tai.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 24:10

tichun, amau cheng chun, Israel Pathian chu a mu tau a. A keng pêk nuai ah chun sapphire suang mantam ah kisiam lampi kizutnâm khat a la um ah; a thian dan chu van thiang sing seng tawh bang ahi.

THUPILTE 8:30

zia lai ah chun a kiang ah nasem hotu gual in ka la um ta’n; nisi’n in a kipakna ka hizing a, a ma-âng in kipak zing in, kei chule a kipakna ka hi zing hi.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

KÂ LATE 2:12

Kotzing ah basam ah liamte gual in, a nuteu ânglai a bêl un, a nuteu kiang in a kap un: “He nu, bu leh uain khoi ah um a tam?” a ti tau hi.

KISIMNA LEKHABU 12:8

Thugûk le hilo ah kichian tak in, ama tawh kimaitua in ka kiho un, ama’n Lalpa mêl chu a mu ta ahi. Bang ding ah ka suak Mosi gensiat chu lau lo la hiu em?” a tia.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

JOHAN 13:23

zia lai tak ah chun nungzuite lak ah pakhat, Jesu’n a hepi chu a âng in a kinêl a;

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 17:26

La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.

JOHAN 17:6

Khawvel ah kipat nangma’n lei piak mite kiang in la min ka hi’lang tai. Amau haw chu nang â a hiu in, nang in amau haw chu kei lei piak ahi’n; amau in la thu a zawm tau hi.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

JOHAN 6:46

Pathian ah kipat hung bep longal chun, kuama’n Pa chu a mu kha puau in, ama bep chun Pa chu a mu ahi.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

DAN LEKHABU 4:12

Ziaphatchun, meikuang lak ah kipat chun Lalpa‘n nanghaw a hun ho a. A aw git chu la hiau ah, ahi’n, bangma la mu puau ah, aw git bep chu a um a.

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

JOSHUA 5:13

Khatvei chu Jeriko khawpi kiang ah Joshua a dâk to lai in, mi pakhat, a khut ah chemjam lâmsa, a âng ah ding a mu ta mai ah. Joshua’n a zuan ah, a kiang in, “Ka lam ua pang la hem, ka mêlmateu lam ah pang?” ti’n a dong a.

1 JOHAN 4:12

Kuama’n Pathian a mu kha nai puai; I kihepitua chiat ua chun Pathian chu eimau ah um in, a hepina chu eimau ah a hung bukim ahi.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

1 JOHAN 4:9

Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.