JOHAN 1:14 - PATHIAN LEKHABU THIANGTHO (BSI)

¹⁴ Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:14 ပူးပေါင်းရင်းမြစ်များ

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

SAM 45:2

Mihing chate lak ah mêlpha pen la hi’n, la kam ah chun lungsiatna thu ngen a pawt a; ziaziakchun, Pathian in kumtuang â dingin, mal a hun zawl tai.

SAM 85:9

A hukdamna chu ama laute nai ah chun a um sek in, I gam ua a lopina a um den theina dingin.

ISAI 40:5

Ziaphat chuleh, Lalpa lopina chu hung kilang ta’n tin, mi zosia’n zia chu hun mu chiat ta’n au, ti’n Lalpa kam in a la gen ta’ngal a.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

MATTHAI 1:16

Jakob chu Joseph pa ahi’n, zia Joseph chu Mari pawsal chu ahi. Zia Mari chu Messiah kiti, Jesu hung pianna chu ahi.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

LUKA 2:7

Tichun, a chapa masa pen chu a hung piang ta’n; nau tuamna puan in a tuam a; khualbûk ah mun a awn tâk lo ziakin, gan ankuang in a sial tau hi.

LUKA 9:32

Himaleh, Peter leh a lawite chu a i-mut uh a suak ma ma ta’n; a hung haldaw phat un, a kiang ah ding mi panite leh a lopina chu a mu tau a.

JOHAN 1:1

A tîl in Thu a um a, Thu chu Pathian tawh um ahi’n, Thu chu Pathian ahi.

JOHAN 11:40

Jesu’n a kiang in, “La gin leh Pathian lopi zia mu’n la, ka ti pua a hem?” a tia.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 17:22

Ei teni pumkhat I hi gual ah amau hawle pumkhat a hi’theina ding un, nang in lopina lei piakte kha amau kiang in ka pia tai.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

JOHAN 18:37

Pilat chun a kiang in, “Aleh, leng la hi chu maw?” a tia. Jesu’n, “Leng ka hi chu nang inle la gen ta chulam. Thutak hiatsak ding leh zia thil ziak tak ah hin khawvel ah hung ka hi. Kuale mi thutak tapo chun ka aw a ngaithau hi,” a tia.

JOHAN 2:11

Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 3:18

Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 8:32

thu tak chu hun hia’n la tiu in, thu tak chun suak ah kipat hun pawt sak in a,” a tia.

NASEPTE 13:33

Pathian in Jesu a hun kaithaw kitna ah hin, eihaw a chate kiang ah hin zia chu a hun sukguitun dan ei hilna ahi; Pâkna Labu panina chun: “Nang hi ka Chapa, tu’ni hin ka hun hin la hi,” ti’n a la kizik ah.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

1 KORINTH 15:47

Mi masa chu lei ah siam ahi’n, leivui mihing ahi; himaleh, a pani’na pa chu van ah kipat hung Lalpa chu ahi.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

KOLOSSA 1:19

Ama ah chun Pathian bukimna chu kilung tuak tak in a um khawm tangal un;

KOLOSSA 2:3

Ama ah chun pilna leh hetna go zosia chu a kisêlgu ahi.

KOLOSSA 2:9

Ama ah chun Pathian bukimna zosia chu taksa nei in a um zing ngal a.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 1:5

Vansawlchâk kua kiang inle, Pathian in zia gual hin a gen kha ngai em, “Nang ka Chapa la hi, tu’ni hin ka hin la hi tai,” ti leh, “Ama â dingin Pa hi’ng ka tin, ama chu kei â dingin Chapa hi’n a,” ti in.

HEBRAITE 10:5

Ziaziakchun, khawvel ah Khrista a hung khan, “Kithoina leh thillatte la dawi pua’n, kei â dingin taksa lei guat piak zaw ta’n;

HEBRAITE 2:11

Hi’thiangthopa leh a hi’thianthote chu Pa pakhat ah kipat pawt ahi ngal un. Ziaziakchun, Jesu chun amau chu suapite a ti’ ding a zakcha puai.

HEBRAITE 5:5

Zia gual ma chun, Khrista le thiampu lianpen hiding in ama a kichawisâng puai: “Nang ka chapa la hi’n, tu’ni hin ka hun hing la hi,” tipa khan a choisa’n ahi zawi.

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

1 JOHAN 4:9

Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

THUPUAN 19:13

Chuleh, thisan ah kidia puan in a kithuam ah, a min chu, “Pathian Thu,” ahi.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.