JOHAN 1:10 - PATHIAN LEKHABU THIANGTHO (BSI)

¹⁰ Ama chu khawvel hin a um a, khawvel hi ama siam ahi; himaleh, khawvel in ama a la hepuai.

JOHAN 1:10 ပူးပေါင်းရင်းမြစ်များ

THILSIAM THU 16:13

Tichun, a kiang ah thugen Lalpa min ding ah chun, Elroi a sak ah: “Pathian chu ka mu tak tak ah, zia nung ah chunle hing leh dam ah um nalai ka hi maw!” a ti’n.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 18:33

Tichun, Lalpa chu Abraham tawh a kiho zaw phat un a chia ta’n: Abraham chule a umna lam in a chia kit tai.

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

JOHAN 1:11

Ama chu ama mite kiang in a hung ah, ama mite chun a la lop puau hi.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 1:3

bangkim a leng in ama ziak ah siam ahi; thilsiam zosia ama siam lo bangma a um puai.

JOHAN 1:5

Zia vâk chu thim lak in a hung vâk in, zia chu thim in a zo puai.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 5:17

Himaleh, Jesu’n a kiang un, “Ka Pa’n tutiang hin na a sêm zing in, ke’nle ka sêm ahi,” a tia.

NASEPTE 14:17

tu’hin vang chu, ama chu a hetpi umlo in a kikoi ngai ta pua’n; thilpha a bawl zing in, van ah kipat gawtui leh a hun tin ah ga te, nêk leh châk leh kipakna’n I lungthimteu a hi’dim hi,” a tiu a.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

1 KORINTH 2:8

Zia chu khawvel lalte kuama’n a hepuau hi; a la he hileu chu lopina Lalpa chu a la khênden lo ding a hiu in.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

HEBRAITE 11:3

Ginna’n zia khawvel hi Pathian thu ah kisiam fel zo ahi tai ti I hiau a; tichun, mutheite hi a kilang lo ah kipat siam ahi.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.