JOEL 3:7 - PATHIAN LEKHABU THIANGTHO (BSI)

⁷ Himaleh, tu’hin, la zawkmangna munteu nusia dingin chawk tho ing ka tin; chun, la thilbawl dungzui tak un la luchung un hun thuk kit ding ka hi.

JOEL 3:7 ပူးပေါင်းရင်းမြစ်များ

ESTHER 7:10

Tichun, Mordekai khailupna ding ah Haman in a bawlsa chun ama chu a khailum tau a. Ziaphatchun, Lengpa lungnatna chu a dai tai.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 66:6

Ngai un, khawpi sung ah kipat in kiko thawm a so veng vung hi! Tempul ah kipat in aw a gii! Lalpa‘n a mêlmate a thukna aw git ahi!

JEREMIAH 23:8

himaleh, “Mallam gam leh gam tin ah a la nawjakna gam zosia ah kipat, Israelte leh a suan a pâkteu hun puidok ah, hun puipa Lalpa chu a hin nâk leh,” hun ti zaw ta’n au. Zia phat chuleh, amau gam ngei ah chun chêng ta’n au.

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

JEREMIAH 30:16

Ziaziakchun, nang a la ne zo tapo chu, nêk zaw in hung um intiu in; la mêlmate chu a leng un sal ah, pui mang sik sek hung hita’n au; nang hun suam gam tapo chu, suam gam in hung um intiu in, gâlhing ah hun man tapo chu, gâlhing ah matsak ing ka.

JEREMIAH 31:8

Ngai un, mal gam ah kipat in hun pui ing ka tin, leimong gamla pen ah kipat in hun pui khawm in, a lak ua mitthûm leh kengbai, nauvop lai leh nauvei ah thuakgim lai, a leng un, mi tam tak chu, zia tak ah hin hung kit in au.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

EZEKIEL 38:8

Kum bang jat a hem nung leh hung khawm in lau; hun nunung lam ah chun, kido’na kipat hukdaw ah um leh khawvel namtin lak ah kipat Israel tânggam ah chêng ding ah pui khawm ah umte, kum sawt tak tawden ah umsate do dingin kuan ding la hiu; zia gam ah mipite chu namtin lak ah kipat kiladok, tu’hin gâl muang tak ah a leng ua a um lai tak uh ahi.

JOEL 3:4

Aw Tura leh Sidon, Philistia gamkai zosiate haw, kei â ding in bang la hiu em? Lei dit kit him him awm? Ei dit kit hi leu chin kin tak in la luchung ngei un hun thuk kit pai ziang ding hiveng.

ZEKARIAH 9:13

Judah chu kei â ding ah thalpi gual in, ka kai khûn ta’ngâl a; Ephraim chu a thalchang in ka mang tai. Aw Zion, la chapate choktho ing ka tin, aw Grikte haw, la chapateu hun dosak ing ka; tichun, mi gâlhatte chemjam gual in, hun leksak ding ka hi.

MATTHAI 7:2

La gensiat gual mau in gensiat hi’n lau; la te’na ngai mau ah hun te’ piak kit in au.

2 THESSALONITE 1:6

Nangmau hun sugentheite gim umna ah thukkit chu, Pathian in dik in a ngai ahi.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.

THUPUAN 16:6

Amau chun jawlneite leh mithiangthote thisan chu a la suau a, zia gûn chu mu tâk him a hiziak un, a dawn ding un thisan ma chu la pia ta ahi,” a ti ka he.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

VAIHAWMTE 1:7

Ziaphatchun, Adoni-bezek in, “A khutpiu leh a kengpiu kitan, lal sawm sagi in ka dawkan nuai ah sa leh anmal a la luak sek un; amau chung ah ka bawl gual gual in Pathian in keile ei thuk ta a hi,” a tia. Chun, ama chu Jerusalem ah a pui tau ah, zia mun ah chun a thi den tai.

1 SAMUEL 15:33

Himaleh, Samuel in a kiang in, “La chemjam in numei tam tak, cha bei ah a koi gual in, la nu le numei lak ah cha bei in um hen,” ti’n a gen a. Samuel chun, Agag chu Gilgal ah, Lalpa ma-âng ah chun, a sat tel tai.