JOEL 3:18 - PATHIAN LEKHABU THIANGTHO (BSI)

¹⁸ Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

JOEL 3:18 ပူးပေါင်းရင်းမြစ်များ

JOB LEKHABU 29:6

ka kiheina zosia bawngnawi ah jut ahi lai ah, suangpi nasan ah ka sathau ding, a luandaw lai kha aw!

SAM 46:4

Lui pakhat a um ah, zia lui bâkte chun Pathian khawpi a kipaksak un, Chungnung Penpa chênna thiangtho ngei chu.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

ISAI 30:25

Kitha’na ni huaisia chu a tun phat leh, gâlvên bûk zosia chimtha ta’n tin, mual lian zosia leh tângsâng zosia ah kipat in luichate chu hung luangdok ta’n a.

ISAI 35:6

ziaphat chuleh, kengbaite chu, sazuk gual in kichawm ta’n tin, pautheilote chunle lim tak in La hun sadok ta’n au. Gamthip ah tuite hung kikhawdok in, gamkeu ah lui luang del del ta ding ahi ngal a;

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 45:8

Aw vante haw, chung lam ah kipat in hung zu tau in, van dumte chunle dikna hun zuksak tau in; lei hung kihong hen la, hukdamna chu hung pawtdok ta hen; chuleh, dikna chule hun kêdaw sak ta hen; Keima Lalpa hin ka la siam ahi.

ISAI 55:1

Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

MIKAH 6:5

Aw ka mite haw, Lalpa’n a hun hukdaw’na ding ah, a thil bawlte kha la hiattheina ding un, Moab leh Balak thuguat leh Beor chapa Balaam dawnhu dante, Shittim tâng ah kipat Gilgal tiang ah thil umdante kha, tu’hin hezing tau in.

ZEKARIAH 14:8

Ziaphat chuleh, Jerusalem ah kipat in tuihing hung luangdok ta’n tin: A kimkhat chu sualam tuisuagiat ah, a kimkhat tumlam tuisuagiat ah luang lut ta’n a; nipi leh phalbi inle danglam pua’n a.

KISIMNA LEKHABU 25:1

Israelte Shittim mun ah a châm sung un, Moab numeite tawh a hung thanghuai kha tau a.