JOEL 3:17 - PATHIAN LEKHABU THIANGTHO (BSI)

¹⁷ Chutichun, kei Lalpa la Pathian uh, ka tâng thiangtho, Zion ah ka chêng hi ti hun he ta’n lau. Jerusalem chu thiangtho intin, mikhualte’nle haw malam kit ta pua’n au.

JOEL 3:17 ပူးပေါင်းရင်းမြစ်များ

JOB LEKHABU 15:19

amau kiang bep ah a gam chu piak a la hi te, a lak uh malzin in a hawkhak lo chu ahi.

SAM 76:2

Salem in a bawkcha a um in; Zion tâng in a chêng hi.

SAM 9:11

Zion ah um Lalpa chu pâk in La sau in. A thilbawlte nam tin kiang ah puangjak un.

PAWTDAWNA THU 16:12

“Israelte phunchiakna chu ka het tak ziakin, a kiang un: nitâk khawthimbut phat leh sa ne’n la tiu in; jingkal phat leh vaithum ne ding la hiu; ziaphatchuleh, keima hi Lalpa la Pathian uh ka hi ti ei he ta’n lau,” a tia.

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 4:3

Zion ah nutsia ah a la um nalaite leh Jerusalem ah a la chêng nalaite chu mithiangtho ti hi’ntin uh; Jerusalem ah a damsung um ding ah tepte ah um zosia chu,

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 31:40

Mithi kivuina leh ki’dak kihâlna vut paidawna phâijawl tiang leh, Kidron Wadi tiang ah lou mun haw tawh, sualam pang ah Sakol Kotpi kil lam tiang chu, Lalpa â ding ah thiangtho hita’n a. Zia khawpi hi sukchip leh phel siat hi kit ta pua’n ah, ti in.

EZEKIEL 20:40

Ka tâng thiangtho, Israel tângsip ah chun Israel mipi zosia’n, zia gam ah chun ka na sêm ding ahi ngal un; zia mun ah chun amau pom ta’ng ka tin, la thawlawmteu leh la thilpiak lûl takteu chu, la thilzek thiangthoteu tawh a la dawi ta’ng ka, Lalpa Pathian in a tii.

EZEKIEL 37:6

La sung un thagui hun umsak ing ka tin, la chung un phe hun siam in, vun in hun tuam ing ka tin; chuleh, hung ha’thei in, hung hing kit ta’n lau; tichun, Lalpa ka hi ti hun hia’n lau,” ei hun tia.

EZEKIEL 43:12

Zia hi Tempul dan chu ahi: Tângvum kîmvêl zosia chu mun thiangtho pen hi’n a. Ngai in, zia hi Tempul dan chu ahi, ti’n a gen a.

EZEKIEL 44:9

Ziaziakchun, Lalpa Pathian in zia gual hin a gen hi: Israel chate lak ah um gamdang mi kuale, lunggil leh taksa zektanlo, gamdang mi taphot chu, ka mun thiangtho sung in a lût lo diu ahi.

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

DANIAL 11:45

Tuisuagiat tawh, tâng thiangtho mêlpha tak kikâl in a lal In puanbûk jak ta’n a. Himaleh, a tawpna chu hung tung tho tho intin, kuama’n panpi pua’n au, a hun ti tai.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

JOEL 2:27

Keima chu Israelte lak in, ka um ngei nai ti leh, keima, Lalpa la Pathian uh ka hi’n, kei tawhbang kuama dang umlo ahi ti hun he ta’n lau. Chun, ka mite chu sukmualpho kit hita pua’n au.

JOEL 3:21

A thisan phubau chu la’ng ka tin, a mawnau chu silthiang lo ding ka hi; Lalpa chu Zion ah a chêng ngal in.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

NAHUM 1:15

Mual leh tângte kân ah chanchinpha hun tun a, chamna thu tângkopi ah hung chu en tiam in! Aw Judah, la kûtte chu bawl inla, la thutepte chu mualsua ta’n; migilo chun la gam hun sim kit ta pua’n au, amau chu sukmanthai dim dem ahi ta’ngal un.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.