JOEL 3:16 - PATHIAN LEKHABU THIANGTHO (BSI)

¹⁶ Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

JOEL 3:16 ပူးပေါင်းရင်းမြစ်များ

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 29:11

Lalpa‘n a mite hâtna pia ta hen! Lalpa‘n a mite thamuanna’n maljawl ta hen!

SAM 61:3

nang chu mêlmate do-na ding ah ka kulpi, Insâng det tak chu la hi’ngal a.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 33:16

zia gual mite chu munsâng leh, thawveng ah chêng intiu in; a kisêlnau chu suangpi lak ah kulte chu hi’ntin, a nêk ding uh piak hizing intiu in, a tui dawn ding uh kang ngai pua’n a.

ISAI 33:21

Ziaziakchun, lopi tak ah um Lalpa chu, mêlmate pum jap thaw leh, long thupi takte’n a haw khak lo, ei uh â ding ah luipi leh, lui lian tak umna gam lian tak hung hita’n a.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 17:17

Kei â ding ah tizat um hung hi kin; siatna hun ah ka kisêlna la hi’ngâl a.

EZEKIEL 38:19

Ka îtthîkna leh ka siatso lai tak in thupuan ka bawl tai: Zia hun chuleh, Israel gam nasa tak in kithing in a;

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

HAGGAI 2:6

Khatvei chu, tu’nung naicha sung in, vante, lei leh tuisuagiat leh khawmual hun loklîng ding ka hi, sepai honte Lalpa‘n a ti hen;

HAGGAI 2:7

nam zosia hun chok lîng ing ka, tichun, nam zosia go thilte hun lakhawm ing ka tin, zia In hi hausakna’n hung dim ta’n ah, sepai honte Lalpa chun a tii.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

HEBRAITE 12:26

A aw chun lei hi a hi’lîng kha ta’n; ahi’n, tu’vang hin, “Lei bep hilo, van tawh le khatvei hi’lîng ding ka hi,” ti’n a kitiam tangal a.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 11:19

Tichun, van ah Pathian tempul um chu a hung kihong ta’n; a thuthung thingkuang chule tempul ah mu thei in a um tai; ziaphatchun, kawlphete, awte, van-gite leh linlîngte hung um in, gial nasa takte a hung ke tai.

THUPUAN 16:18

Ziaphatchun, awte, kawlphete, van-gite a hung pawt ah; linlîng huaisia tak a hung ling ah, lei ah mihingte um nung a hin zia gual ah linlîng nasa hi a um kha nai puai.

1 SAMUEL 15:29

Zia bep chule hilo in, Israelte lopina Pathian chu, a thu kile’kit pua’n tin, a lungle hei diak pua’n ah; ama chu a lungthim theng vet vut mihing gual ahi paw’ngâl in,” ti’n a gen tai.