JOEL 3:12 - PATHIAN LEKHABU THIANGTHO (BSI)

¹² Namte amau leh amau kichoktho uh hen la; Jehoshaphat Phâijawl ah chun hung khawm uh hen; zia mun ah chun a kîmvêl ah nam zosiate chung ah, vaihawm ding ka hi’ngal a.

JOEL 3:12 ပူးပေါင်းရင်းမြစ်များ

2 KHANGTHU 20:26

A ni li tin ni chun Berakah Phâijawl in a kikhawm un, Lalpa a chawihoi tau a; ziaziakchun, tu’ni tiang hin zia mun chu Berakah Phâijawl, a ti den tau hi.

SAM 7:6

Aw Lalpa, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 22:1

Kilâkna Phâijawl chung châng thu chu: Bang ding ah la leng ua In chungvûm ah kal to la hiu ah,

ISAI 3:13

Thupi gen dingin Lalpa a kipan tai; a mipite chung thu tan dingin a dingdok hi.

EZEKIEL 30:3

Zia ni chu a nai ta’n, Lalpa ni ngei chu a nai ta’ngal a; sûmpi ji’n ni leh nam tinte vangsiat ni ding chu ahi.

EZEKIEL 39:11

Ziaphat chuleh, tuisuagiat sualam ah khualzinte Phâicham, Israel gam ah chun Gogte kivuina ding pia’ng ka; khualzin tuate chiana ding dâl ta’n au; Gog tawh a mipite zosia zia chun kivui ding ahi ngâl un; zia mun chu, Hamon-gog Phâizawl, ti hita’n a.

JOEL 3:14

Thutanna phâijawl chu mipi’n a dim hi! Thutanna phâijawl ah chun, Lalpa ni chu a nai ta’ngal a.

JOEL 3:2

nam zosia Jehoshaphat phâijawl ah pui khawm ing ka tin; ka go leh ka mipi Israelte, namtin lakah a la the’chek ziak un a chung un vaihawm ding ka hi. Ka gam chu a la kihawm jak tau in,

MIKAH 4:3

Ama’n nam tam takte kikâl thu tan intin, gamla tak ah nam hat takte chung thule khen piak in a; a chemjamteu lou kaina thîk dingin sek ta’n tiu in, a cheichateu chu chemkon dingin sêk ta’n au; nam khat in nam dang khat chung ah chemjam lek ta pua’n tiu in, kido danle kizil diak ta pua’n au;

ZEKARIAH 14:4

Ziaphat chuleh, Jerusalem sualam kai ah Oliv tâng chu a keng in hun chuan intin; chuleh, Oliv tâng chu sualam leh tumlam ah kikhen jak in, a kâl ah phâijawl lian tak hung um ta’n ah; chun, tâng kimkhatte gêl chu phel ni kisua in, khat in mallam zuan in, khat in simlam zuan in a.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.