JOEL 2:32 - PATHIAN LEKHABU THIANGTHO (BSI)

³² Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

JOEL 2:32 ပူးပေါင်းရင်းမြစ်များ

THILSIAM THU 4:26

Seth inle chapa pakhat a hun hing ah, a min dingin Enosh a sak ta’n. Zia lai hun ah mite chun Lalpa min a la ko pan tau ahi.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

ISAI 10:22

La chipi Israelte chu tuisuagiat ah piaunêl jat ah tam himaleu, a thibang sunte bep hung kile’kit in au. A chung ua siatna tung ding ah tiamsa a hita’n, diktatna luanglêt ahi.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 4:2

Zia hun chuleh, Lalpa bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

JEREMIAH 31:7

Lalpa‘n zia gual hin a gen hi: Jakob â dingin kipakna Lâ ngai tak in sau inla, namtin lak ah lopi penpa pâkna’n kiko un; ama pâkcha’n, “Aw Lalpa, la mipi, Israel um sunte chu hukdam in,” ti ah kiko in, puangjak un.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

AMOS 9:8

Lalpa Pathian mitte chu lenggam gilo chung in a chu hen; lei chung ah kipat in sumangthai ing ka; Jakob Inkuante bep chu hi’mangthai suak pua’ng ka, Lalpa‘n a tii.

OBADIAH 1:17

Himaleh, Zion tâng ah chun, a suakchate chu um intiu in, a thiangtho hita’n au; Jakob Inkuante chun, amau a la chomgamte ma ma chu, hun chom gam ta’n au.

OBADIAH 1:21

Hukdaw ah umte chu Esau tâng chung ah, vaihawm dingin, Zion tâng ah chun chia to ta’n au; tichun, lenggam chu LALPA â hita’n a.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

NASEPTE 15:17

midang zosia’n le Lalpa chu hun hawl intiu in, ka min ah ei ko Jentelte zosia’n le, ei hun hawl theina ding un. Zia thilte bawlpa Lalpa chun,

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

ROMTE 11:26

Tichun, Israel zosia chu hukhin in um in au: “Zion ah kipat in Tandokpa chu hung pawt intin, Jakob ah kipat in Pathian ngaisak lona chu sumang in a.

ROMTE 11:5

Zia gual ma chun tu’hin le Pathian in a jangaina ziak ah mi a têlte khenkhat a um zing ui.

ROMTE 11:7

Bangti’n a hita diam? Israel mite chun a hawl uh chu a mu ta puau hi. Têlte vang chun a muu ah, a dang zosia chu a ngong zo tau a;

ROMTE 9:24

Judate lak ah kipat bep hilo in, Jentelte ah kipat leh kodawsa eihaw â ding inle a la bawl hitaleh, bangti ding a hem?

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;